தமிழ் சினிமாவில் குழந்தை நட்சத்திரமாக அறிமுகமாகி, பின்பு பிரபல ஹீரோவாக வலம் வருபவர் நடிகர் சிம்பு. எஸ்.டி.ஆர் என்று அழைக்கப்படும் இவருக்கு ஏகப்பட்ட ரசிகர்கள் உள்ளனர்.
இந்த நிலையில் நடிகர் சிம்பு இன்று தனது 37ஆவது பிறந்தநாளை சிறப்பாகக் கொண்டாடி வருகிறார். இதையொட்டி அவருக்கு ரசிகர்கள் மட்டுமின்றி, திரைப்பிரபலங்கள் பலரும் வாழ்த்து தெரிவித்து வருகின்றனர். மேலும் அதிகாலை 12 மணிக்கு சிம்புவின் பெற்றோர்கள், உடன்பிறந்தவர்கள் மற்றும் திரைப்பிரபலங்கள் சிலர் கலந்து கொண்டு அவருக்கு கேக் வேட்டி, பிறந்தநாள் வாழ்த்துகளைத் தெரிவித்துக் கொண்டனர். அதுமட்டுமின்றி சிம்பு ரசிகர்கள் அவருக்கு வாழ்த்து தெரிவிப்பதற்காக அவர் வீடு முன்பு நள்ளிரவு முதலே குவிந்தனர்.