கி.பி. 1000ஆம் ஆண்டு காலகட்டத்தில் இருந்த சோழப் பேரரசை அடிப்படையாகக் கொண்டு எழுத்தாளர் கல்கி எழுதிய புகழ் பெற்ற வரலாற்று புதினம் பொன்னியின் செல்வன்.
இந்த நாவலை மையமாக வைத்து நீண்ட நெடுங்கால முயற்சிக்குப் பின் இயக்குநர் மணிரத்னம் பல முன்னணி நடிகர், நடிகைகளை வைத்து பொன்னியின் செல்வன் திரைப்படத்தை இயக்கி வருகிறார்.
இந்தப் படத்தில் விக்ரம், கார்த்தி, ஜெயம் ரவி, விக்ரம் பிரபு, பிரபு, ஜெயராம், ஐஸ்வர்யா ராய், ஐஸ்வர்யா லக்ஷ்மி, த்ரிஷா, சரத்குமார், கிஷோர் உள்ளிட்ட பல்வேறு நட்சத்திரங்கள் முக்கிய கதாபாத்திரங்களை ஏற்று நடிக்கின்றனர். இதன் படப்பிடிப்பு பணிகள் கடந்த வாரம் முதல் தாய்லாந்து நாட்டில் தொடங்கி நடைபெற்று வருகிறது.