ஆண் குழந்தையை வரவேற்ற மஹத் - பிராச்சி!

சென்னை: நடிகர் மஹத்திற்கு ஆண் குழந்தை பிறந்துள்ளது.

தமிழ் சினிமாவில் 'மங்காத்தா', 'ஜில்லா', 'வந்தா ராஜாவாதான் வருவேன்' உள்ளிட்ட படங்களில் நடித்தவர் மஹத். . நடிகர் சிம்புவின் நெருங்கிய நண்பரான இவர், 'பிக்பாஸ் 2' நிகழ்ச்சியில் கலந்துகொண்டு ரசிகர் மத்தியில் பிரபலமானர். மஹத் தற்போது 'கெட்டவன்னு பேர் எடுத்த நல்லவன்டா' என்னும் படத்தில் நடிக்க ஒப்பந்தமாகியுள்ளார்.

கடந்தாண்டு பிப்ரவரி மாதத்தில் மஹத் தனது காதலியும் மாடல் அழகியுமான பிராச்சி மிஸ்ராவை திருமணம் செய்து கொண்டார். சமீபத்தில் தனது மனைவி பிராச்சி கர்ப்பமாக இருப்பதாக அறிவித்த மஹத், வளைகாப்பு விழாவின் போது எடுக்கப்பட்ட வீடியோவை சமூகவலைதளப்பக்கத்தில் பதிவிட்டார். இந்த வீடியோ ரசிகர்கள் மத்தியில் கவனத்தை ஈர்த்தது.

இந்நிலையில், இன்று (ஜூன்.7) தங்களுக்கு ஆண்குழந்தை பிறந்துள்ளதாக மஹத் சமூகவலைதளத்தில் பதிவிட்டுள்ளார். இதுகுறித்து அவர் தனது ட்விட்டரில், "இன்று காலை கடவுள் ஆசீர்வாதத்துடன் ஆண்குழந்தை பிறந்ததுள்ளது. நானும் பிராச்சியும் மிகவும் மகிழ்ச்சியில் உள்ளோம். எங்களுக்காக பிராத்தனை செய்த அனைவருக்கும் வாழ்த்து தெரிவித்தவர்களும் நன்றி. அப்பவாக இருப்பதில் மிகவும் உற்சாகமாக இருக்கிறேன்" என ட்வீட் செய்துள்ளார்.

இதனையடுத்து மஹத் - பிராச்சி தம்பதிக்கு திரைப்பிரபலங்கள், ரசிகர்கள் வாழ்த்து தெரிவித்து வருகின்றனர்.