நல்ல நண்பரை இழந்துவிட்டேன் - நடிகர் கார்த்தி வேதனை!

ராமநாதபுரம்: நடிகர் ரித்தீஷ் நல்ல மனிதர் என்றும், நல்ல நண்பனை இழந்து விட்டதாகவும் நடிகர் கார்த்திக் தெரிவித்துள்ளார்.

ராமநாதபுரத்தில் அதிமுக வேட்பாளர் நயினார் நாகேந்திரனை ஆதரித்து நடிகர் ரித்தீஷ் நேற்றுமுன்தினம் பரப்புரை மேற்கொண்டார். அப்போது மாரடைப்பு ஏற்பட்டு தனியார் மருத்துவமனையில் சிகிச்சை பலனின்றி அவர் உயிரிழந்தார். இந்நிலையில், நடிகர் சங்க பொருளாளரும், நடிகருமான கார்த்தி அவரது உடலுக்கு அஞ்சலி செலுத்தினார்.

பின்னர் செய்தியாளர்களிடம் பேசிய அவர், நடிகர் சங்க தேர்தலின் போது எங்களுக்காக அயராது உழைத்தவர். மக்களுக்கு உதவி செய்யும் எண்ணம் கொண்டவர். அவர் எங்களை நண்பா... நண்பா என்று அழைக்கும் சத்தம் இன்றுவரை கேட்டுக்கொண்டே இருக்கிறது. மேலும், அவரின் முகத்தை பார்த்துவிட வேண்டும் என்ற நோக்கத்துக்காகவே இங்கு கிளம்பி வந்தேன். நல்ல மனிதர். நல்ல நண்பனை இழந்து விட்டேன்” என வேதனை தெரிவித்தார்.