பிரபாஸின் 'ராதே ஷ்யாம்' படத்திற்கு இசையமைக்கும் ஜஸ்டின் பிரபாகரன்

சென்னை: பிரபாஸ் நடிப்பில் உருவாகிவரும் 'ராதே ஷ்யாம்' திரைப்படத்தில் இசையமைப்பாளராக ஜஸ்டின் பிரபாகரன் இணைந்துள்ளார்.

'சாஹோ' திரைப்படத்தை தொடர்ந்து பிரபாஸ் நடிப்பில் உருவாகிவரும் திரைப்படம், 'ராதே ஷ்யாம்'. ராதா கிருஷ்ணகுமார் இயக்கி வரும் இப்படம் தமிழ், தெலுங்கு, ஹிந்தி, மலையாளம் ஆகிய 4 மொழிகளிலும் தயாராகி வருகிறது.

இத்திரைப்படத்தின் படப்பிடிப்பு விறுவிறுப்பாக நடைபெற்று வந்த நிலையில், கரோனா ஊரடங்கு காரணமாக தற்காலிகமாகப் படப்பிடிப்பு ரத்து செய்யப்பட்டிருந்தது.

தற்போது இதன் படப்பிடிப்பு ஜார்ஜியாவில் நடைபெற்று வருகிறது. ‘ராதே ஷ்யாம்’ படத்தின் அப்டேட் வெளியிடுமாறு ரசிகர்கள் தொடர்ந்து கோரிக்கை வைத்து வந்த நிலையில், பிரபாஸின் பிறந்தநாளான அக்டோபர் 23ஆம் தேதி படத்தின் மோஷன் போஸ்டரை வெளியிடவுள்ளதாக அறிவித்துள்ளனர்.

தற்போது படத்தில் ஜஸ்டின் பிரபாகரன் இசையமைக்க உள்ளதாக படக்குழுவினர் அறிவித்துள்ளனர். இப்படத்தில் பணியாற்றுவது ஜஸ்டின் பிரபாகரனுக்கு திரை வாழ்வில் முக்கிய திருப்புமுனையாக இருக்கும் என எதிர்பார்க்கப்படுகிறது.