சென்னையில் நடைபெற்ற குறுந்திரை போட்டியில் இயக்குநர் ஆனந்த ரமணன் இயக்கிய ஆறாம் நிலம் வெற்றிபெற்றது. இது குறித்து ஆனந்த் ரமணன் கூறுகையில், "2009ஆம் ஆண்டு சிங்கள ராணுவத்திற்கும் விடுதலைப் புலிகளுக்கும் இடையே நடந்த இறுதிப் போரின்போது ஏராளமானோர் கொல்லப்பட்டனர்.
இரண்டு தரப்பினருக்கும் உயிர்ச்சேதம் ஏற்பட்டது. உயிர்பிழைத்தோர் ஏராளமானோர் அந்நாட்டு அரசிடம் சரணடைந்தனர். ஆனால் சரணடைந்தவர்கள் பலர் இன்றுவரை என்ன ஆனார்கள் என்றும், எப்படி இருக்கிறார்கள் என்றும் யாருக்குமே தெரியவில்லை.
இயக்குநர் ஆனந்த ரமணன்
அவர்களது குடும்பத்திற்குமே இது குறித்து தெரியாது. இதனை மையப்படுத்தி இப்படம் எடுக்கப்பட்டுள்ளது. நம்மூரில் நூறு நாள் வேலையைப் போல கண்ணிவெடி அகற்றும் பணிகளை அங்குள்ளோர் நாள்தோறும் செய்துவருகின்றனர்.