விஜய் சேதுபதி, மாதவன், ஷ்ரதா ஸ்ரீநாத், வரலட்சுமி சரத்குமார் உள்ளிட்டோர் நடிப்பில் வெளியான 'விக்ரம் வேதா' திரைப்படம் புஷ்கர் காயத்ரி இயக்கத்தில் வெளியானது. இரண்டு சிறந்த நடிகர்கள் ஒரே திரையில் எதிரும் புதிருமாக நடித்திருந்தது பெரும் வரவேற்பைப் பெற்றது. நீண்ட இடைவெளிக்குப் பிறகு மாதவன் இத்தோற்றத்தில் நடித்திருந்தது அவருக்கு ஈடாக விஜய் சேதுபதியின் நடிப்பு ரசிகர்கள் மத்தியில் நல்ல வரவேற்பைப் பெற்றது.
இந்தியில் ரீமேக்காகும் 'விக்ரம் வேதா'!
தமிழில் மாஸ் ஹிட் கொடுத்த 'விக்ரம் வேதா' திரைப்படம் இந்தியில் ரீமேக் செய்யப்படுகிறது. இந்தியிலும் புஷ்கர் காயத்ரியே இயக்குகிறார்.
vikram vedha
இந்நிலையில், 'விக்ரம் வேதா' திரைப்படம் இந்தியில் ரீமேக்காவுள்ளது. தமிழில் இயக்கிய புஷ்கர் காயத்ரியே இந்தியில் இயக்கவுள்ளார். இந்தியில் அமீர் கான், சைஃப் அலிகான் நடிக்கவுள்ளனர். விஜய் சேதுபதியாக அமீர் கான், மாதவனாக சைஃப் அலி கான் நடிக்கின்றனர். ரிலையன்ஸ் எண்டர்டெயின்மென்ட், பிளான் சி ஸ்டுடியோஸ் ஆகியோருடன் இணைந்து சசிகாந்த் தயாரிக்கவுள்ளார். விரைவில் இது குறித்து முக்கிய அறிவிப்புகள் வெளியாகும் என்று படக்குழு அறிவித்துள்ளது.