'டியர் காம்ரேட்' திரைப்படத்தைத் தொடர்ந்து 'அர்ஜுன் ரெட்டி' புகழ் விஜய் தேவரகொண்டா தற்போது பிரபல இயக்குநர் பூரி ஜெகநாத் உடன் இணைந்துள்ளார்.
#VD10 என்ற பெயரில் தொடங்கப்பட்டுள்ள இந்தப்படம் இந்தி, தெலுங்கு, கன்னடம் உள்ளிட்ட தென்னிந்திய மொழிகளிலும் உருவாகிவருகிறது.
இந்தப்படத்தில் நடிகை சார்மி, ரம்யா கிருஷ்ணன், ரோனித் ராய் உள்ளிட்ட பலர் முக்கிய கதாபாத்திரங்களில் நடிக்கின்றனர். பூரி ஜெகநாத், சார்மி, கரண் ஜோகர், அபூர்வா மேத்தா ஆகியோர் #VD10 படத்தை தயாரிக்கின்றனர்.
இதற்காக தாய்லாந்து சென்ற நடிகர் விஜய் தேவரகொண்டா சில கலைகளையும், சண்டைப் பயிற்சிகளையும் முடித்து நாடு திரும்பியுள்ளார். இதன் படப்பிடிப்பு பணிகள் இன்று மும்பையில் பூஜையுடன் தொடங்கியுள்ளது.