தமிழில் ஆடுகளம் படம் மூலம் அறிமுகமாகி ரசிகர்கள் மனதில் இடம்பிடித்தவர் நடிகை டாப்ஸி. ஆரம்பம், காஞ்சனா 2 உள்ளிட்ட படங்களில் நடித்த இவர், இந்தி திரையுலகில் முன்னணி நடிகையாக வலம் வருகிறார்.
அமிதாப் பச்சனுடன் பிங் திரைப்படத்தில் நடித்ததன் மூலம் பெரும் பெயரைப் பெற்றதை அடுத்து, தொடர்ந்து சிறந்த கதைகளைத் தேர்வு செய்து நடித்து வருகிறார். அந்த வகையில் தற்போது கிரிக்கெட் வீராங்கனை மித்தாலி ராஜின் வாழ்க்கை வரலாற்றுப்படமான சபாஷ் மித்து, தப்பட் உள்ளிட்ட படங்களிலும் நடித்து வருகிறார்.
இதனிடையே பாலிவுட் இயக்குநர் வினில் மாத்யு இயக்கும் 'ஹசீன் தில்ருபா' என்ற புதிய திரைப்படத்தில் டாப்ஸி மற்றும் விக்ராந்த் மாஸ்ஸி ஆகியோர் முக்கிய கதாபாத்திரங்களில் நடிக்கின்றனர்.