நாளை வெளியாகும் சூர்யவன்ஷி பட ட்ரெய்லர்! உற்சாகத்தில் ரசிகர்கள்

'சூர்யவன்ஷி' படத்தின் ட்ரெய்லர் நாளை வெளியாகவிருப்பதாக அறிவிக்கப்பட்டுள்ளது.

நடிகர்கள் அக்க்ஷய் குமார், ரன்வீர் சிங், அஜய் தேவ்கன் நடித்துள்ள படம் ’சூர்யவன்ஷி’. ரோகித் ஷெட்டி இயக்கியுள்ள இப்படத்தை தர்மா புரொடக்ஷன் நிறுவனம் தயாரித்துள்ளது. த்ரில்லர் காப் ஸ்டோரியாக உருவாகியுள்ள இப்படத்தில் நாயகியாக நடிகை கத்ரீனா கைஃப் நடித்துள்ளார்.

இந்நிலையில் இப்படத்தின் ட்ரெய்லர் வெளியாகும் தேதி குறித்த அறிவிப்பு வெளியாகியுள்ளது. அதன்படி ’சூர்யவன்ஷி’ படத்தின் ட்ரெய்லர் நாளை வெளியாகவுள்ளதாக படக்குழு அதிகாரப்பூர்வமாக அறிவித்துள்ளது .

மேலும் கறுப்பு கண்ணாடி அணிந்து கொண்டு, காவல்துறை உடையில் உள்ள அக்க்ஷய் குமாரின் போஸ்டர் இணையத்தில் வைரலாகி வருகிறது. சமீபகாலமாக இந்தியில் வெளியாகும் த்ரில்லர் காப் ஸ்டோரிக்கு நல்ல வரவேற்பு கிடைப்பதால், ’சூர்யவன்ஷி’ படமும் ஹிட் அடிக்கும் என்று எதிர்பார்க்கப்படுகிறது.

இதையும் படிங்க:உயிர் பிழைத்தேன் என்ற உணர்வைவிட அவர்கள் உயிரிழந்துவிட்டார்களே என்று வேதனை - ஷங்கர்