பாலிவுட்டில் தற்போது பரபரப்பாக பேசப்பட்டுவருவது சுஷாந்த் சிங் இறுதியாக நடித்த 'தில் பெச்சாரா' திரைப்படத்தின் டைட்டில் ட்ராக் பாடல்.
இந்தப் பாடல் தற்போது பலராலும் பாராட்டப்பட்டுவருகிறது. பல பிரபலங்களும் சுஷாந்தை இந்நேரத்தில் நினைவு கூறிவருகின்றனர். இந்நிலையில் நடிகர் சோனு சூட்டும் தனது வாழ்த்துகளை இறந்த நடிகருக்கு தெரிவித்துள்ளார்.
அந்த டைட்டில் ட்ராக் பாடலுக்கு நடனம் அமைத்த ஃபரா கான் அந்தப் பாடலில் இடம் பெற்று இருக்கும் ஒரு நடனத்தை ஒரே ஷாட்டில் சுஷாந்த் முடித்ததாகவும், அதற்காக தான் அவரை பாராட்டியதாகவும் தெரிவித்து ட்வீட் ஒன்றை பகிர்ந்தார்.
அந்த ட்விட்டர் பதிவை ரீட்வீட் செய்த சோனு சூட், "அவர் இவற்றை சொர்கத்தில் இருந்து பார்த்துக்கொண்டிருக்கிறார் ஃபரா, அவரது மகுடத்தில் இது இன்னொரு சிறகாக அலங்கரிக்கட்டும், அட்வான்ஸ் வாழ்த்துகள் சகோதரர் சுஷாந்த். நீங்கள் எங்கு இருந்தாலும், இந்த உலகம் உங்களை என்றும் மிஸ் செய்யும்" என்று உருக்கமாக தெரிவித்துள்ளார்.
இதையும் படிங்க... சுஷாந்த் சிங்கின் 'தில் பெச்சாரா' மீது அன்பு மழை பொழிகிறது - ஏ.ஆர்.ரஹ்மான்
TAGGED:
Dil Bechara title track