மும்பை: 2016இல் வெளியான 'ஃபோர்ஸ் 2' படத்தின் ஆக்ஷன் காட்சியின் மேக்கிங் விடியோவை வெளியிட்டுள்ளார் நடிகை சோனாக்ஷி சின்ஹா.
பாலிவுட் முன்னணி ஹீரோயின்களில் ஒருவராகத் திகழ்ந்து வரும் சோனாக்ஷி சின்ஹா வித்தியாசமான கதாபாத்திரங்களை தேர்வு செய்து நடித்து வருகிறார். தமிழில் சூப்பர் ஹிட்டான 'காக்க காக்க' படத்தின் ரீமேக்காக இந்தியில் ஜான் ஆபிரகாம் - ஜெனிலியா நடிப்பில் 2011இல் வெளிவந்த படம் 'ஃபோர்ஸ்'. இந்தப் படம் சூப்பர் ஹிட்டான நிலையில், இதன் இரண்டாம் பாகமாக 2016ஆம் ஆண்டு 'ஃபோர்ஸ் 2' வெளியானது.
இதில், ஹீரோயினாக சோனாக்ஷி சின்ஹா நடித்திருந்தார். படத்தில் ஜான் ஆபிரஹாமுக்கு இணையாக அதிரடி ஆக்ஷன் காட்சிகளை வெளுத்து வாங்கி ரசிகர்களின் பாராட்டைப் பெற்றார்.
இதையடுத்து இந்தப் படத்தில் இடம்பெற்ற ஆக்ஷன் காட்சியை தற்போது தனது ட்வீட்டரில் பதிவிட்டுள்ள சோனாக்ஷி, 'ஜான் ஆபிரஹாமுடன் இணைந்து வெளிப்படுத்திய அதிரடியின் நினைவலைகள். இது நான் நடித்து மறக்க முடியாத அதிரடி ஆக்ஷன் காட்சி. இதேபோல் வேறொருவரை விரைவில் கிக் செய்யவுள்ளேன்' என்று குறிப்பிட்டுள்ளார்.
காதல், காமெடி கதாபாத்திரங்களைப் போல் ஃபோர்ஸ் 2, அகிரா போன்ற படங்களில் அதிரடியிலும் கலக்கியிருக்கிறார் சோனாக்ஷி. சமீபத்தில் சல்மான் கான் ஜோடியாக இவர் நடித்த 'தபாங் 3' வெளியாகி ரசிகர்களை பெரிதும் கவர்ந்தது.
இதைத்தொடர்ந்து ட்வீட்டரில் குறிப்பிட்டிருப்பதுபோல் சோனாக்ஷி ஆக்ஷன் படத்தில் தற்போது நடித்து வருகிறார் என்கிற ஆவல் ரசிகர்கள் மத்தியில் ஏற்பட்டுள்ளது
