பெங்களூருவைச் சேர்ந்தவர் சகுந்தலா தேவி. சிறு வயதிலேயே தானாகக் கணக்குகளைத் தீர்க்கப் பழகிக் கொண்டவர். பழைய நூற்றாண்டின் தேதியைச் சொன்னாலும் கூட உடனே அதன் கிழமையைச் சொல்லி விடும் அளவுக்கு கணக்கில் அவர் கில்லாடி. சிக்கலான கணக்குகளையும் உடனே தீர்த்து விடுவார்.
இவரது இந்த அதீத திறன் கின்னஸ் புத்தகத்திலும் இடம் பெற்றுள்ளது. வேகமான 'மனிதக் கணினி' ஆக இருந்தவர் 2013ஆம் ஆண்டு உடல் நலக்குறைவால் மரணமடைந்தார். இதனையடுத்து தற்போது இவரது வாழ்க்கைக் கதை சினிமாவாகிறது. சகுந்தலா தேவியாக வித்யாபாலன் நடிக்கிறார். ரோனிஸ்குருவாலா தயாரிக்கும் இப்படத்தை அனு மேனன் இயக்குகிறார்.