பிரதீப் ரங்கநாதன் இயக்கத்தில் ஜெயம் ரவி, காஜல் அகர்வால், சம்யுக்தா ஹெக்டே ஆகியோர் முன்னணி கதாபாத்திரத்தில் நடித்திருந்த படம் ‘கோமாளி’. வேல்ஸ் பல்கலைக்கழக நிறுவனர் ஐசரி கணேஷ் தயாரித்த இந்த படத்துக்கு ஹிப் ஹாப் ஆதி இசையமைத்திருந்தார்.
16 ஆண்டுகளாக கோமாவிலிருக்கும் ஜெயம் ரவி, இயல்பு நிலைக்கு திரும்பிய பின் நவீன உலகில் ஏற்பட்ட மாற்றங்களைக் கண்டு வியக்கிறார். அத்துடன் தனது பழைய காதலியை தேடிச்செல்லும்போது ஏற்படும் சம்பவங்கள் நகைச்சுவை கலந்து சொல்லியிருக்கும் 'கோமாளி' 90ஸ் கிட்ஸ்களின் வாழ்க்கையையும் தற்போதைய நவீன உலகில் நாம் தொலைத்த விஷயங்களையும் திரையில் பிரதிபலிக்கும் விதமாக அமைந்திருக்கும். படத்தின் காட்சிகள் ரசிகர்களை வெகுவாகக் கவர்ந்தது. இதில் பள்ளி மாணவராக வரும் ஜெயம் ரவிக்கு பள்ளி பருவ காதலியாக வந்தவர் சம்யுக்தா ஹெக்டே. பின் படம் முழுவதும் இவரின் நடிப்பு ரசிகர்களால் அதிகம் கவனிக்கப்பட்டது.