அமித் மசுர்கார் இயக்கத்தில் வித்யா பாலன் நடிப்பில் உருவாகியுள்ள படம் 'ஷெர்னி'. இந்தப் படத்தில் ஷரத் சக்ஸேனா, முகுல் சட்டா உள்ளிட்டோர் முக்கியக் கதாபாத்திரங்களில் நடித்துள்ளனர்.
இந்தப் படத்தை டி சீரிஸ் தயாரித்துள்ளது. மனிதர்களால் வனங்களுக்கும் வன விலங்குகளுக்கும் ஏற்படும் பாதிப்பு குறித்தும்; அதைச் சரிசெய்ய நினைக்கும் நேர்மையான வன அலுவலர் பற்றியும் சொல்லும் படமாக 'ஷெர்னி' உருவாக்கப்பட்டுள்ளது. இதில் வன அலுவலராக வித்யா பாலன் நடித்துள்ளார்.
இந்தப் படம் குறித்தான அறிவிப்பை வித்யா பாலன் பிப்ரவரி மாதம், தனது சமூக வலைத்தளப்பக்கத்தில் அறிவித்திருந்தார். தற்போது இந்தப் படம் ஜூன் மாதம் முன்னணி ஓடிடி தளமான அமேசான் ப்ரைமில் வெளியாகவுள்ளது.