ஆபாச படங்களை தயாரித்து வெளியிட்டதற்காக பாலிவுட் நடிகை ஷில்பா ஷெட்டியின் கணவர் ராஜ் குந்த்ராவை மும்பை காவல்துறையினர் கைது செய்திருப்பது பாலிவுட் வட்டாரத்தில் பரபரப்பை ஏற்படுத்தியுள்ளது.
இந்தச் சூழலில் ராஜ் குந்த்ராவின் பழைய ட்விட்டர் பதிவுகளை சமூக வலைதளவாசிகள் தோண்டி எடுத்து திரும்ப பதிவு செய்துவருகின்றனர்.
அதில் ஒரு பதிவில், ஆபாசத்துக்கும் விபச்சாரத்துக்கும் உள்ள வித்தியாசம் குறித்து பதிவிட்டிருந்த ராஜ், கேமராவில் செய்யும் பாலியல் தொழிலுக்கு பணம் செலுத்துவது ஏன் சட்டப்பூர்வமாக இருக்கிறது எனக் கேள்வி எழுப்பியிருந்தார். இரண்டுக்கும் இருக்கும் வித்தியாசம் என்ன எனவும் கேட்டிருந்தார்.