ராதிகா மதன் நடிப்பை பாராட்டிய அமிதாப் பச்சன்!

நடிகர் அமிதாப் பச்சன், பாலிவுட் நடிகை ராதிகா மதனுக்கு வாழ்த்து தெரிவித்து கடிதம் ஒன்று அனுப்பியுள்ளார்.

பாலிவுட்டில் நடிகை ராதிகா மதன் நடிப்பில் சமீபத்தில் வெளியான படம் ஆங்க்ரேஸி. இதில் இர்ஃபான் கானுக்கு மகளாக நடித்ததன் மூலம் ரசிகர்கள் மனதில் இடம் பிடித்துவிட்டார். கடந்த வெள்ளிக்கிழமை வெளியான இப்படத்தின் வசூல் ரூ.4 கோடியை தாண்டியுள்ளதாக கூறப்படுகிறது.

இதற்கிடையில் ராதிகா மதனின் நடிப்பை பாராட்டி நடிகர் அமிதாப் பச்சன் வாழ்த்து தெரிவித்து ஒரு கடிதம் அனுப்பியுள்ளார். இதைக் கண்டு உற்சாகமடைந்த ராதிகா, தனது இன்ஸ்டாகிராம் பக்கத்தில் பதிவு வெளியிட்டுள்ளார். அதில், ''என்ன சொல்வது அல்லது என்ன எழுதுவது என்றே தெரியவில்லை. அமிதாப்பச்சனிடம் இருந்து கிடைத்த பாராட்டால் மிகுந்த மகிழ்ச்சி அடைந்துள்ளேன். நான் மிகவும் அதிர்ஷ்டசாலி, அதனால் தான் இப்படி ஒரு பாராட்டு கிடைத்துள்ளது'' என்று அதில் குறிப்பிட்டுள்ளார்.

இதையும் படிங்க:அமிதாப் பச்சனுக்கு நெகிழ்ச்சியை ஏற்படுத்திய அவரது மகளின் செயல்!