இயக்குநர் லானா வச்சோவ்ஸ்கி இயக்கத்தில் கடந்த 1999ஆம் ஆண்டு வெளியான படம் மேட்ரிக்ஸ். கியானு ரீவ்ஸ், கேரி ஆன் மோஸ் ஆகியோர் நடித்திருந்த இப்படம் உலகளவில், தொழில்நுட்ப ரீதியிலான படங்களில் புதிய புரட்சியை ஏற்படுத்தியது.
மேலும், மேட்ரிக்ஸ் படங்களின் இரண்டாம், மூன்றாம் பாகங்கள் வெளியாகி உலகளவில் பெரும் ரசிகர்களைக் கவர்ந்துள்ளது. மேலும் இப்படத்தில் இடம்பெற்ற தொழில்நுட்பங்களும் ஆக்ஷன் காட்சிகளும் ரசிகர்களை வெகுவாகக் கவர்ந்தது.
இப்படத்தின் நான்காம் பாகம், தற்போது சுமார் 17 ஆண்டுகள் கழித்து தயாராகிவருகிறது. கியானு ரீவ்ஸ் நாயகனாக நடிக்கவுள்ள இப்படத்தில் பிரியங்கா சோப்ரா முக்கிய கதாப்பாத்திரத்தில் நடிக்கவுள்ளதாகத் தகவல் வெளியாகியுள்ளது. மேலும் விரைவில் படத்தின் அதிகாரப்பூர்வ அறிவிப்பு வெளியாகும் என்றும் எதிர்ப்பார்க்கப்படுகிறது. மேட்ரிக்ஸ் படத்தின் முதல் மூன்று பாகங்களும், சூப்பர் டூப்பர் ஹிட் அடித்துள்ளதால், மேட்ரிக்ஸ் நான்காம் பாகம் மீது ரசிகர்களிடையே மிகுந்த எதிர்பார்ப்பு நிலவிவருகிறது.
இதையும் படிங்க: அட நம்ம சாரா அலிகானா இது! - வாய்ப்பிளக்கும் இணையவாசிகள்
