பாலிவுட் நடிகர் அஜய் தேவ்கான், சாய்ஃப் அலி கான், கஜோல் உள்ளிட்ட பிரபலங்கள் நடிக்கும் படம் 'தன்ஹாஜி'. மராட்டியப் பேரரசில் ராணுவ தலைமைப் பொறுப்பு வகித்த தனாஜி மாலுசாரேயின் வாழ்க்கை வரலாற்றை மையமாகக்கொண்டு உருவாகிவரும் இந்தப்படத்தை பிரபல இயக்குநர் ஓம் ராவத் இயக்குகிறார்.
மராட்டிய மன்னர் சத்ரபதி சிவாஜியின் போர்ப்படையில் இணைந்து அவருடன் பல போர்களில் ஈடுபட்ட தனாஜியின் வாழ்க்கை வரலாற்றை கதைக்களமாக கொண்டு பிரம்மாண்ட பொருட்செலவில் இந்தப்படம் உருவாகியுள்ளது.
இந்த நிலையில், 'தன்ஹாஜி' படத்தில் தனாஜி மலுசேரின் உண்மையான பரம்பரை வரலாறு மறைக்கப்பட்டுள்ளதாகக்கூறி அகில பாரதிய ஷத்ரிய கோலி ராஜ்புத் சங்கத்தினர் டெல்லி உயர் நீதிமன்றத்தில் வழக்கு தொடர்ந்துள்ளனர்.
அந்த மனுவில், இயக்குனர் ஓம் ராவத் திரைப்படத்தில் சிறந்த போர்வீரரான தனாஜி மாலுசாரேவின் உண்மையான பரம்பரை வரலாற்றை மறைத்துள்ளதாகக் குற்றஞ்சாட்டியுள்ளது. மேலும் இப்படத்தை தடை செய்யவேண்டும் எனவும் மனுவில் கோரியுள்ளது.