கத்தி படம் மூலம் தமிழ் திரையுலகில் அறிமுகமானவர் பிரபல நடிகர் நீல் நிதின் முகேஷ். கத்தி திரைப்படத்தில் கார்ப்பரேட் வில்லனாக அவதாரம் எடுத்திருந்த இவர், இந்தி, தமிழ், தெலுங்கு மொழிகளில் 20க்கும் மேற்பட்ட படங்களில் நடித்திருக்கிறார். பாகுபலி நடிகர் பிரபாஸின் சாஹோ திரைப்படத்திலும் அஷோக் என்ற கதாபாத்திரத்தை ஏற்று இவர் நடித்திருந்தார்.
இதனிடையே பைபாஸ் ரோடு என்ற கிரைம் திரில்லர் திரைப்படத்தில் நடித்துள்ளார். இவரது இளைய சகோதரர் நமன் நிதின் முகேஷ் இயக்கியுள்ள இப்படத்தில் நீல் நிதின் மாற்றுத்திறனாளியாக நடித்துள்ளார். இந்தப் படம் வரும் நவம்பர் 1ஆம் தேதி திரைக்கு வருகிறது.