பாலிவுட் நடிகை கரீனா கபூர் வெள்ளிக்கிழமை (மார்ச் 6) சமூக வலைதளமான இன்ஸ்டாகிராமில் இணைந்துள்ளார். இவர் இணைந்த சில மணிநேரத்தில் கிட்டத்தட்ட ஒரு மில்லியன் நெட்டிசன்கள் பின்தொடர ஆரம்பித்தனர்.
இன்ஸ்டா பேஜ் தொடங்கிய நாளிலிருந்து கரீனா தினமும் ஒரு புகைப்படம், பதிவு, காணொலி என மிகவும் ஆக்டிவாக செயல்பட்டு வருகிறார். இந்நிலையில் இன்று, 'அங்ரேஸி மீடியம்' படப்பிடிப்பின் போது எடுக்கப்பட்ட ஸ்லோமோஷன் காணொலி ஒன்றை பதிவிட்டுள்ளார்.
அந்தக் காணொலியில், கரீனா கபூர் மேக்கப் இல்லாமல் லண்டன் காவல் துறையினரின் உடையணிந்து ஸ்டைலாக நடந்துவருகிறார். இதற்குப் பின்னணியில் Imagine Dragons 'Believer' பாடல் ஒலிக்கப்படுகிறது. அந்தக் காணொலியை அவர் பதிவிட்ட சில நிமிடங்களில் ரசிகர்களால் அதிகம் பகிரப்பட்டு லைக் செய்துவருகின்றனர்.
கரீனா தற்போது இர்ஃபான் நடிப்பில் உருவாகியுள்ள அங்ரேஸி மீடியம் படத்தில் முக்கியக் கதாபாத்திரத்தில் நடித்துள்ளார். ஹோமி அடஜானியா இயக்கத்தில் உருவாகியுள்ள இப்படம் நாளை (மார்ச் 13) வெளியாகிறது.
இதையும் வாசிங்க: இர்ஃபான் மீது எனக்கு மிகுந்த மரியாதை உள்ளது - 'அங்ரேஸி மீடியம்' கரீனா கபூர்
