விளிம்பு நிலை மக்களின் குழந்தைகளுக்கு உதவி வரும் அமைப்பு ‘Save the Children'. இந்த அமைப்பின் கலைஞர்களுக்கான தூதுவராக இருக்கிறார் நடிகை தியா மிர்சா. இவர் பல்வேறு சமூகநலப் பணிகளில் ஈடுபட்டு வருகிறார். இயற்கையை பாதுகாப்பது குறித்து தொடர்ந்து பேசிவரும் வெகு சிலரில் இவரும் ஒருவர். இவர் தற்போது குழந்தைகளின் கல்வி குறித்து விழிப்பு ஏற்படுத்த ஒரு சேலஞ்ச்-ஐ முன் வைத்துள்ளார்.
தியா மிர்சா தனது பள்ளி கால புகைப்படத்தை பகிர்ந்து, பள்ளி கால நெருக்கமான நினைவுகள். இயற்கை, படைப்பாற்றல் மீது என்னை காதல் கொள்ளச் செய்தது என் பள்ளிதான். அனைத்து குழந்தைகளும் பள்ளி செல்ல தகுதியானவர்களே; ஆனால், இந்த கரோனா சூழலில் 1 கோடி பெண் குழந்தைகள் பள்ளி செல்ல முடியாத சூழலில் இருக்கிறார்கள். விழிப்புணர்வை ஏற்படுத்த என்னோடு இணையுங்கள் என நடிகை டாப்ஸி, லாரா தத்தா, பூமி பட்னேகர் ஆகியோரை டேக் செய்துள்ளார்.