காயத்துடன் அந்தர் பல்டி - கீழே விழுந்த 'தோனி' பட நடிகை

முழங்கால் உடைந்து, வலியுடன் வேகமாக ஓடிவந்து முன்னோக்கி பல்டி அடித்த நடிகை திஷா பதானி, நிலைதாடுமாறி கீழே விழுந்தார். இந்த விடியோவை பார்த்த ரசிகர்கள் நலம் விசாரித்து அவருக்கு ஆறுதல் தெரிவித்துவருகின்றனர்.

மும்பை: முன்னோக்கி பல்டி அடித்தபோது நிலைதடுமாறி கீழே விழுந்த வீடியோவை வெளியிட்டுள்ள பாலிவுட் நடிகை திஷா பதானி, இதை யாரும் செய்ய வேண்டாம் என்ற வேண்டுகோளும் விடுத்துள்ளார்.

இதை ரசிகர்கள் வீட்டில் முயற்சிக்க வேண்டாம் என்று (#donttrythisathomefolks) ஹேஷ்டேக்கில் குறிப்பிட்டு, இதேபோல் யாரும் தவறுதலாக முன்னோக்கி பல்டி அடிக்க வேண்டாம் என்று பதிவிட்டு, தனது இன்ஸ்டாகிராமில் வீடியோ ஒன்றை வெளியிட்டுள்ளார் நடிகை திஷா பதானி.

மேலும், காயம் ஏற்பட்டு முழங்கால் உடைந்த வலியுடன் 'மலாங்' படத்தின் பாடலுக்காக நடன ஒத்திகையிலும் ஈடுபட்டதாகத் தெரிவித்துள்ளார்.

இந்த வீடியோவை பார்த்த அவரது ரசிகர்கள், அன்புமழை பொழிந்து திஷாவை நலம் விசாரித்து கமெண்ட் பகுதியை நிரப்பியதோடு, காயத்திலிருந்து விரைவில் மீண்டுவர பிரார்த்திப்பதகாவும் கருத்து தெரிவித்துள்ளனர்.

'மலாங்' படத்தில் ஆதித்யா ராய் கபூருக்கு ஜோடியாக நடித்துவரும் திஷா பதானி, சல்மான் கான் ஜோடியாக 'ராதே' படத்திலும் நடிக்கவுள்ளார்.

27 வயதாகும் திஷா பதானி, தெலுங்கில் வெளியான 'லோஃபர்' படம் மூலம் ஹீரோயினாக அறிமுகமானார். இதைத்தொடர்ந்து தோனியின் வாழ்க்கை வரலாறு திரைப்படமான 'எம்.எஸ்.தோனி: தி அன்டோல்ட் ஸ்டோரி' படத்தில் தோனி கதாபாத்திரத்தில் நடித்த சுஷாந்த் சிங் ராஜ்புட்டின் காதலியாக தோன்றி ரசிகர்களை பெரிதும் கவர்ந்தார்.

சமூக வலைத்தளப் பக்கத்தில் ஏராளமான வீடியோக்களை வெளியிட்டு லைக்ஸ்களை குவித்துவரும் இவர், தற்போது தனக்கு நேர்ந்த இந்த அதிர்ச்சி வீடியோவை வெளியிட்டு ரசிகர்களை அலார்ட்டும் செய்துள்ளார்.