தீபிகா - அமிதாப் கூட்டணியில் ‘தி இண்டெர்ன்’

என் ஸ்பெசலான துணை நடிகருடன் மீண்டும் பணிபுரிவதை நினைத்தால் பெருமையாக உள்ளது. ‘தி இண்டெர்ன்’ படத்தின் இந்திய வெர்சனில் நடிக்கவுள்ள அமிதாப்பை வரவேற்கிறோம் என தீபிகா குறிப்பிட்டுள்ளார்.

ஹைதராபாத்: ‘பிகு’ எனும் ப்ளாக்பஸ்டரை கொடுத்த அமிதாப் - தீபிகா, ‘தி இண்டெர்ன்’ எனும் ஹாலிவுட் படத்தின் ரீமேக்கில் இணைந்து பணியாற்றவுள்ளனர்.

ராபர்ட் டி நிரோ, அன் ஹாத்வே நடிப்பில் உருவாகி வெற்றிபெற்ற திரைப்படம் ‘தி இண்டெர்ன்’. நான்சி மேயர்ஸ் இயக்கிய இப்படத்தின் பாலிவுட் ரீமேக்கில் அன் ஹாத்வே கதாபாத்திரத்தில் தீபிகா படுகோனும், ராபர்ட் டி நிரோ கதாபாத்திரத்தில் ரிஷி கபூரும் நடிப்பதாக இருந்தது. ஆனால், துரதிர்ஷ்டவசமாக ரிஷி கபூர் உயிரிழந்தார்.

அதன்பிறகு ஒரு ஆண்டு காலமாக ரிஷி கபூர் கதாபாத்திரத்தில் நடிக்க சரியான நபரைத் தேடி படக்குழு அலைந்தது. தற்போது அமிதாப் பச்சனை அக்கதாபாத்திரத்தில் நடிக்க வைக்க படக்குழு முடிவு செய்துள்ளது.

இதுகுறித்து தீபிகா தனது இன்ஸ்டா பக்கத்தில், என் ஸ்பெசலான துணை நடிகருடன் மீண்டும் பணிபுரிவதை நினைத்தால் பெருமையாக உள்ளது. ‘தி இண்டெர்ன்’ படத்தின் இந்திய வெர்சனில் நடிக்கவுள்ள அமிதாப்பை வரவேற்கிறோம் என குறிப்பிட்டுள்ளார்.