போதைப் பொருள் கடத்தல் கும்பலுடன் நடிகை தீபிகாவுக்கு தொடர்பு இருக்கும் என போதைப் பொருள் தடுப்பு பிரிவினர் சந்தேகிக்கின்றனர். இது தொடர்பாக நாளை (செப்டம்பர் 25) விசாரணைக்கு ஆஜராக அவருக்கு போதைப் பொருள் தடுப்பு பிரிவினரால் நோட்டீஸ் அனுப்பப்பட்டது. நாளை விசாரணைக்கு ஆஜராகவுள்ளதால், இன்று கோவாவில் நடைபெற்ற தனது படப்பிடிப்பை நிறுத்திவிட்டு தீபிகா மும்பைக்கு விரைந்துள்ளார்.
நடிகர் சுஷாந்த் சிங் மரண வழக்கு பாலிவுட்டில் பெரும் சர்ச்சையை ஏற்படுத்தியுள்ளது. பாலிவுட் பிரபலங்கள் போதைப் பொருள்களை அதிகம் பயன்படுத்துவதாகவும், போதைப் பொருள் கடத்தல் கும்பலுடன் அவர்களுக்கு தொடர்பு உள்ளதெனவும் பேச்சு எழுந்தது. சுஷாந்தின் தோழி ரியா உள்ளிட்ட பல பிரபலங்களை போதைப் பொருள் தடுப்பு பிரிவினர் விசாரணை செய்தனர். அந்த வகையில் நடிகை தீபிகா படுகோனையும் அவர்கள் விசாரிக்கவுள்ளனர்.