தமிழில் 'அறிந்தும் அறியாமலும்', 'பட்டியல்', 'பில்லா', 'ஆரம்பம்' உள்ளிட்ட படங்களை இயக்கிய விஷ்ணுவர்தன் பாலிவுட்டில் அறிமுகமாகும் படம் 'ஷேர்ஷா'.
கார்கில் போரையும், போரில் நாட்டுக்காக உயிர்நீத்து வீர மரணமடைந்த இளம் வீரர் கேப்டன் விக்ரம் பத்ராவின் வாழ்க்கை வரலாற்றையும் மையமாக வைத்து உருவாகியுள்ள 'ஷேர்ஷா' படத்தில் பாலிவுட் நடிகர் சித்தார்த் மல்ஹோத்ரா, விக்ரம் பத்ரா கதாபாத்திரத்தில் நடிக்கிறார்.
இவருக்கு ஜோடியாக கியாரா அத்வானி நடிக்கிறார். மேலும் ஜாவெத் ஜெஃப்ரி, ஹிமான்ஷு மல்ஹோத்ரா, பரேஷ் ராவல் உள்ளிட்டோர் முக்கியக் கதாபாத்திரங்களில் நடிக்கின்றனர். பாலிவுட்டின் முன்னணி இயக்குநர் கரண் ஜோஹர் இப்படத்தை தயாரிக்கிறார்.