பாலிவுட் மெகா ஸ்டார் அமிதாப் பச்சன் நடிப்பில் 'சைரா நரசிம்ம ரெட்டி' திரைப்படம் கடந்த ஆண்டு வெளியானது. தற்போது 'பிரம்மாஸ்திரா', 'குலாபோ சிதாபோ', 'உயர்ந்த மனிதன்', 'பட்டர்ஃபிளை' உள்ளிட்ட படங்கள் இந்த ஆண்டு வெளியாகவுள்ளது.
இதனிடையே பிரபல இயக்குநர் நாக்ராஜ் மஞ்சுலே இயக்கும் 'ஜுந்த்' என்ற படத்தில் அமிதாப் பச்சன் நடிக்கிறார். ஸ்லம் சாக்கர் என்ற தனியார் தொண்டு நிறுவனத்தை நடத்திவந்த விஜய் பார்சே என்பவரது வாழ்க்கையைத் தழுவி எடுக்கப்படும் இந்தப்படத்தில் விஜய் பார்சே கதாபாத்திரத்தில் சீனியர் பச்சன் நடிக்கிறார். ஆகாஷ் தோஸர், ரிங்கு ராஜ்குரு உள்ளிடோர் முக்கிய கதாபாத்திரங்களில் நடிக்கின்றனர்.
இந்தப்படத்தை டி சீரிஸ் சார்பில் பூஷண்குமார் மற்றும் கிரிஷன் குமார், ராஜ் ஹிரீமத், சவிதா ராய் ஹிரீமத், நாக்ராஜ் மஞ்சுலே ஆகியோர் தயாரிக்கின்றனர். பினுத் பிரதான் ஒளிப்பதிவு செய்கிறார். அஜய் அதுல், சச்சட் பரம்பரா, விஷால் மிர்ஸா ஆகியோர் இசையமைக்கின்றனர்.