கரோனா வைரஸ் காரணமாக கிட்டத்தட்ட மூன்று மாதத்திற்கு மேலாக திரையரங்குகள் அனைத்தும் மூடப்பட்டுள்ளன. இதனால் தயாரிப்பாளர்கள் தங்களது படங்களை அமேசான் போன்ற ஓடிடி தளங்களில் வெளியிட்டு வருகின்றனர். இந்த முறையில் திரைப்படங்கள் தொடர்ந்து வெளியானால் திரையரங்குகள் மூடப்படுமா என்ற அச்சம் திரையரங்கு உரிமையாளர்களிடம் எழுந்துள்ளது. சிறிய பட்ஜெட் படங்களை தொடர்ந்து தற்போது பெரிய ஹீரோக்களின் சில திரைப்படங்களும் ஓடிடி தளங்களில் வெளியிடப்பட்டு வருகின்றன.
ஆனால், அக்ஷய்குமார் நடித்துள்ள 'சூர்யவன்ஷி', ரன்வீர் சிங் நடித்துள்ள '83' ஆகிய படங்கள், திரையரங்குகளில்தான் வெளியாகும் என்று படக்குழு தெரிவித்துள்ளது.