உடற்சூட்டை அறியும் தன்மையில் வெளியாகும் GOQii வைட்டல் 3.0 ஸ்மார்ட் கை அணிகலன்!

GOQii நிறுவனம் தனது வைட்டல் 3.0 ஸ்மார்ட் கை அணிகலனை 3,999 ரூபாய்க்கு இந்தியாவில் விற்பனைக்கு கொண்டுவந்துள்ளது. இதில் உடற்சூட்டை அறிந்துகொள்ளும் உணரிகள் இருப்பதால் கரோனா காலங்களில் பயனர்களுக்கு உதவியாக இருக்கும் என்று நிறுவனம் தெரிவித்துள்ளது.

டெல்லி: உடற்சூட்டை அறிந்துகொள்ளும் புதிய கை அணிகலனை GOQii நிறுவனம் வைட்டல் 3.0 எனும் பெயரில் அறிமுகப்படுத்தியுள்ளது.

• அமேசான், ப்ளிப்கார்ட் இணைய அங்காடிகளில், இந்த தகவல் சாதனம் 3,999 ரூபாய்க்கு கிடைக்கும்
• திரைவ் (Thryve) எனும் மருத்துவ ஆராய்ச்சி நிறுவனத்துடன் கைகோர்த்து இந்த தகவல் சாதனம் உருவாக்கப்பட்டுள்ளது
• இதில் உடற்சூட்டைக் கண்டறியும் உணரிகள் பொருத்தப்பட்டுள்ளதால், கரோனா காலங்களில் பயனர்கள் தங்கள் உடலை கண்காணிக்க உதவியாக இருக்கும்
  

  GOQii வைட்டல் 3.0 ஸ்மார்ட் கை அணிகலன்
• தானியங்கி வழிகாட்டுதல்கள் இதில் பதியப்பட்டுள்ளன.
• நம் உடல்நிலையை கணித்து, அதற்காக நாம் மேற்கொள்ளவேண்டிய நடவடிக்கைகளை இத்தகவல் சாதனம் நமக்கு வழங்கும்
• ரத்த ஓட்டம், இதய துடிப்பு ஆகியவற்றையும் இந்த தகவல் சாதனம் கண்காணிக்கும்