புதிய சாதனையில் எலான் மஸ்க்... ஒரே ராக்கெட்டில் 142 செயற்கைக்கோள்கள்!

சான் பிரான்ஸ்கோ: எலான் மஸ்கின் ஸ்பேஸ் எக்ஸ் நிறுவனம் ஒரே ராக்கெட்டில் 143 சிறிய ரக செயற்கைக்கோள்களை அனுப்பி சாதனை படைத்துள்ளது.

விண்வெளி ஆராய்ச்சியில் கொடிக்கட்டி பறந்துகொண்டிருக்கும் எலான் மஸ்க்கின் ஸ்பேஸ் எக்ஸ் நிறுவனம், புதிய விண்வெளி தொழில்நுட்பங்களை அவ்வப்போது அறிமுகப்படுத்திவருகிறது. பல வகையான செயற்கைக்கோள்களை விண்ணில் செலுத்தி வருகிறது.

அந்த வகையில், நேற்றிரவு (ஜனவரி 24) புளோரிடாவில் உள்ள கேப் கனாவெரல் விண்வெளி மையத்திலிருந்து பால்கன்-9 ராக்கெட் ஏவப்பட்டது. இந்த ராக்கெட்டில் 143 சிறிய ரக செயற்கைக் கோள்கள் அனுப்பப்பட்டன. ராக்கெட் மூலம் செலுத்தப்பட்ட 143 செயற்கைக் கோள்களும் புவி வட்டப்பாதையில் வெற்றிகரமாக நிலைநிறுத்தப்பட்டன. அரசு தொடர்பான மற்றும் வணிகரீதியாக செலுத்தப்பட்ட 143 செயற்கைக்கோள்களில் 48 எர்த்-இமேஜிங் செயற்கைக்கோள்கள் (Earth-imaging satellites), 17 சிறிய தகவல் தொடர்பு செயற்கைக் கோள்கள்,3 0 சிறிய செயற்கைக் கோள்கள உள்ளன.

விண்வெளியில் சிறிய நிறுவனங்களின் செயற்கைக் கோள்களும் பறக்க வேண்டும் என்ற நோக்கில், இந்த புதிய "ரைட்ஷேர் ராக்கெட்"(RideShare Rocket) திட்டத்தை அறிமுகப்படுத்தியுள்ளனர். இந்தத் திட்டத்தில் 200 கிலோ எடை கொண்ட செயற்கைக் கோளுக்கு 1 மில்லியன் டாலர் வசூலிக்கப்படுகிறது. அதிகளவிலான செயற்கைக் கோள்களை அனுப்பி ஸ்பேஸ் எக்ஸ் புதிய சாதனை ஒன்றையும் படைத்துள்ளது.

முன்னதாக, 2018இல் என்ஜி-10 சிக்னஸ் திட்டத்தில் நார்த்ரோப் க்ரம்மன் (Northrop Grumman) ஏவிய ராக்கெட்டில் 108 செயற்கைக் கோள்கள் இடம் பிடித்திருந்ததே சாதனையாக இருந்து வந்தது.