இன்று பூமிக்கு மிக அருகே வரும் ’சனி’ கோள்!

பூமியும், சனி கோளும் தங்களுடைய சுற்றுப்பாதையில் இன்று (ஆக.08) மிக நெருக்கமாக பயணிக்க உள்ளதாக பதானி சமந்தா கோளரங்கத்தின் துணை இயக்குநர் சுவேந்து பட்நாயக் தெரிவித்தார்.

புவனேஸ்வர் (ஒடிசா):சுவேந்து பட்நாயக் செய்தியாளர்களிடம் பேசுகையில், "இந்திய நேரப்படி இன்று (ஆக.02) காலை 11.30 மணியளவில், பூமியும், சனி கோளும் தங்களுடைய சுற்றுப்பாதையில் மிகக் நெருக்கமாக வரப்போகின்றன.

பூமிக்கு சூரியனைச் சுற்றி வர 365 நாள்களாகின்றன. அதேபோல, சூரியக் குடும்பத்தில் இரண்டாவது பெரிய கோளான சனி சூரியனைச் சுற்றி வர 29.5 ஆண்டுகளாகின்றன. இந்த இரண்டு கோள்களும் ஆண்டுக்கு ஒருமுறை நெருக்கமாக வருகின்றன. அந்த வேளையில் மக்கள் சனி கோளை கண்களால் பார்க்க முடியும். கடந்த ஆண்டு ஜூலை 20ஆம் தேதி இரண்டு கோள்களும் நெருங்கின.

அதைத்தொடர்ந்து இன்று இரண்டு கோள்களும் தங்களுடைய சுற்றுப்பாதையில் மிக நெருக்கமாக வருகின்றன. அப்படி நெருங்கும் போது இரண்டு கோள்களுக்கும் இடையே இருக்கும் தூரம் 120 கோடி கி.மீட்டராக இருக்கும்.

இந்தத் தூரம் இரண்டிற்கும் இடையே உள்ள அதிகபட்ச தூரத்திலிருந்து 50 கோடி கி.மீட்டர் தூரம் குறைவாகும். இந்த நேரத்தில், சனி கோளை கிழக்கு அடிவானத்தில் காணலாம். அதன் துணைக்கோள்களை சாதாரண தொலைநோக்கிகள் மூலமாகவே காணலாம்.

இதையும் படிங்க:800 ஆண்டுகளுக்கு பின் நிகழும் 'வியாழன், சனி' கோள்களின் பேரிணைவு!