2020ஆம் ஆண்டின் சிறந்த ஸ்மார்ட் ஸ்பீக்கர்கள்!

டெக் சந்தையில் தற்போது சக்கைபோடு போடுவது ஸ்மார்ட் ஸ்பீக்கர்கள் தான். அதன் சந்தை மதிப்பு நாளுக்கு நாள் உயர்ந்து வருகிறது. இச்சூழலில் 2020ஆம் ஆண்டில் வெளியான ஐந்து சிறந்த ஸ்மார்ட் ஸ்பீக்கர்கள் குறித்து தெரிந்து கொள்ளலாம்.

ஹைதராபாத்:2020ஆம் ஆண்டு வெளியான திறன்வாய்ந்த ஐந்து சிறந்த ஸ்மார்ட் ஸ்பீக்கர்கள் குறித்து அறிந்துகொள்வோம்.

கரோனா தாக்கத்தினால் மக்கள் அனைவரும் வீடுகளில் முடங்கிபோயிருந்தனர். இச்சூழலில் மக்களின் பெரும் ஆதரவை பெற்ற தகவல் சாதனங்களில் ஸ்மார்ட் ஸ்பீக்கர்களும் ஒன்று. ஆம், நமக்கான உதவியாளர் போல செயல்படும் ஸ்மார்ட் ஸ்பீக்கர்களை மக்கள் அதிகம் விரும்பத் தொடங்கியுள்ளனர்.

இதன் விளைவாக, 2020ஆம் ஆண்டின் 2ஆம் காலாண்டை விட 87 விழுக்காடு மடங்கு மூன்றாவது காலாண்டில் ஸ்மார்ட் ஸ்பீக்கர்களின் சந்தை வளர்ச்சி கண்டுள்ளது. இதனால் அனைத்து அமேசான், ஆப்பிள், கூகுள் நிறுவனங்களைத் தொடர்ந்து அனைத்து நிறுவனங்களும் ஸ்மார்ட் ஸ்பீக்கர்களை உற்பத்தி செய்வதில் முனைப்புக் காட்டிவருகிறது.

அந்த வகையில், இந்தியாவில் 2020ஆம் ஆண்டு வெளியிடப்பட்ட ஸ்மார்ட் ஸ்பீக்கர்களில் சிறந்த ஐந்தினை குறித்து பட்டியலிடப்பட்டுள்ளது.

அமேசான் எக்கோ ஷோ 5:

அமேசான் எக்கோ ஷோ 5 இந்தியாவில் ரூ.8,999க்கு விற்பனை செய்யப்படுகிறது. அலெக்ஸா உள்ளீடு, 5.5 அங்குல தொடுதிரை, 1எம்பி கேமரா, 720 எச்டி தெளிவிலான காணொலி பதிவு, அமேசான் ப்ரைம் வீடியோ போன்ற செயலிகள் உடன் இந்த ஸ்மார்ட் ஸ்பீக்கர் சந்தைப்படுத்தப்பட்டுள்ளது.

அமேசான் எக்கோ ஷோ 5

இந்த ஸ்மார்ட் ஒலிப்பெருக்கி, 360 டிகிரி அலைவரிசையை வழங்குகிறது. ஹோம் பாட் மினி ஆப்பிளின் எஸ் 5 சிப்பால் இயக்கப்படுகிறது. ஏர்ப்ளே 2 மல்டி-ரூம் திறன்களையும் இந்த ஹோம் பாட் மினி ஆதரிக்கிறது. இதன்மூலம் பல ஒலிபெருக்கிகளை இதில் இணைத்துக் கொள்ளலாம். கிண்ன வடிவிலான இதன் தோற்றம், மெஷ் துணியால் பாதுகாக்கப்பட்டுள்ளது.

மேலும், இந்த ஸ்மார்ட் சாதனம், இசையைப் பகுப்பாய்வு செய்து சத்தம், டைனமிக் வீச்சு போன்றவற்றை மேம்படுத்தும் திறனையும் கொண்டது என ஆப்பிள் தெரிவித்துள்ளது. கூடுதலாக, இது ஆப்பிள் கார்ப்ளே உடனும் (Apple CarPlay) வேலை செய்கிறது. இந்தியத் தகவல் சாதன சந்தையில் இதன் விலை 9,900 ரூபாயாகும்.

ஆப்பிள் ஹோம்பாட் மினி

கூகுள் நெஸ்ட் ஆடியோ:

2016ஆம் ஆண்டில் வெளியிடப்பட்ட கூகுள் நிறுவனத்தில் இந்த ஸ்மார்ட் ஸ்பீக்கரின் விலை தற்போது ரூ.7,999ஆக உள்ளது. 75mm அதிரடி வூஃபர், 19mm சில்சில் ட்விட்டர், கார்டெக்ஸ் -ஏ53 1.82Ghz குவாட்கோர் சிப், புளுடூத் 5.0, டுயல் பாண்ட் வைஃபை என பல சிறப்பம்சங்களை கூகுள் நெஸ்ட் ஆடியோ கொண்டுள்ளது.

கூகுள் நெஸ்ட் ஆடியோ

மி ஸ்மார்ட் ஸ்பீக்கர்:

இந்திய மதிப்பில் ரூ.3,999க்கு விற்கப்படும் இந்த ஸ்மார்ட் ஸ்பீக்கர், நடுத்தரப் பயனர்களை அதிகம் கவர்ந்த ஸ்மார்ட் தகவல் சாதனமாக பார்க்கப்படுகிறது. 12வாட் கொண்ட 63.5 அங்குல முன்பக்க ஸ்பீக்கர், டிடிஎஸ் ஒலி, கூகுள் அசிஸ்டெண்ட் உள்ளீடு என குறைந்த விலை ஸ்மார்ட் ஸ்பீக்கராக சந்தையில் வலம்வருகிறது.

மி ஸ்மார்ட் ஸ்பீக்கர்

சோனி SRS XB402M:

எப்போதுமே உயர்ரக பயனர்களை குறிவைத்து தங்கள் படைப்புகளை வெளியிடும் சோனி, தனது சோனி SRS XB402M ஸ்மார்ட் ஸ்பீக்கரின் விலையை தற்போது ரூ.19,061ஆக நிர்ணயம் செய்துள்ளது. அனைத்து விதமான பாதுகாப்பு அம்சங்களுடன் உள்ள இதில், கேளிக்கை விளக்குகள் பொருத்தப்பட்டுள்ளன.

அமேசானின் அலெக்ஸா உதவியாளருடன் கட்டமைக்கப்பட்டுள்ள இந்த ஸ்மார்ட் ஸ்பீக்கரின் ஒலி திறன் அனைத்திற்கும் முதன்மையாக உள்ளது.

சோனி SRS XB402M