தெற்கில் ஜல்லிக்கட்டு, கிழக்கில் எருது சண்டை!

ஜல்லிக்கட்டு என்பது  தமிழ் மாதமான தையில் அறுவடை பண்டிகையின் ஒரு பகுதியாக கொண்டாடப்படும். மதுரையில் அலங்காநல்லூர் உட்பட மூன்று முக்கியப் போட்டிகள் கோயில் மைதானத்தில் நடைபெற்றாலும், விளையாட்டு மதச்சார்பற்றதாகவே உள்ளது. தேவாலயங்களும் ஜல்லிக்கட்டு போட்டிகளை ஏற்பாடு செய்கின்றன. அசாமில், 'பிஹு' மாதத்தின் முதல் நாளான 'மாக் பிஹு'வில் அதைக் கொண்டாடுவது வழக்கம்.

காளை அடக்கும் விளையாட்டின் பல வடிவங்களில் ஒன்றான உலகப்புகழ் பெற்ற அலங்கநல்லூர் ஜல்லிக்கட்டு போட்டிகள், பொங்கல் கொண்டாட்டத்தின் ஒரு பகுதியாக, இன்று (ஜன.16) மதுரை மாவட்டத்தில் வழக்கமான உற்சாகத்துடன் கொண்டாடப்படுகிறது. அசாம் மாநிலத்தில் மோரிகான் மற்றும் நாகானில் காளை சண்டை வெள்ளிக்கிழமை (ஜன.15) நடத்தப்பட்டது

காவிரி டெல்டா, சில மேற்கு பகுதி, மற்றும் தெற்கில் நடத்தப்படும் ஜல்லிக்கட்டு போட்டிகளில், காளைகள் 'வாடி வாசல்' என்று அழைக்கப்படும் நுழைவாயில் வழியாக அரங்கிற்குள் நுழைகின்றன. காளையை அடக்கும் நபர்கள் ஒரு குறிப்பிட்ட நேரத்திற்கு (30 வினாடிகள்), அல்லது மூன்று சுற்று அல்லது போட்டிக்குப் பரிந்துரைக்கப்பட்ட தூரம் வரை காளையின் திமிலை பிடித்திருக்க இருக்க வேண்டும்.

அவ்வாறு செய்தால், அவர்காளை அடக்கியதாகக் கருதப்படுகிறது, மேலும் காளைகளைத் அடக்குபவர்களுக்குப் பரிசு பொருட்களாக வீட்டு உபயோக பொருட்கள் முதல் அதிக காளைகளை அடக்கும் சிறந்த வீரருக்கு ஒரு கார் வரையிலான பரிசுகள் அளிக்கப்படும். அசாம் காளை சண்டைகளில் இதுபோன்று இல்லை, இதில் எருமைகள் ஒன்றோடொன்று கொம்புகள் மூலம் சண்டையிட்டு மற்றொன்றை காயப்படுத்தி அரங்கிலிருந்து துரத்த முயற்சிக்கின்றன.

முந்தையது பண்டைய தமிழ் கலாச்சாரமாக காளைகள் குடும்பத்தின் ஒரு அங்கத்தினர் போல் வளர்க்கப்படுகிறது. அசாமில் எருமை சண்டை என்பது ஒரு வழக்கம் என்று கூறப்படுகிறது, இந்தப் போட்டிகளால் எருமைகள் அசாதாரண வலிமையைப் பெறுகின்றன என்று உள்ளூர்வாசிகள் தெரிவிக்கின்றனர்.

ஜல்லிக்கட்டு

ஜல்லிக்கட்டு என்பது தமிழ் மாதமான தையில் அறுவடை பண்டிகையின் ஒரு பகுதியாக கொண்டாடப்படும். மதுரையில் அலங்காநல்லூர் உட்பட மூன்று முக்கியப் போட்டிகள் கோயில் மைதானத்தில் நடைபெற்றாலும், விளையாட்டு மதச் சார்பற்றதாகவே உள்ளது. தேவாலயங்களும், ஜல்லிக்கட்டு போட்டிகளை ஏற்பாடு செய்கின்றன.

அசாமில், 'பிஹு' மாதத்தின் முதல் நாளான 'மாக் பிஹு'வில் அதைக் கொண்டாடுவது வழக்கம். இதற்கு முன்னர், கடந்த 2014 ஆம் ஆண்டில் உச்ச நீதிமன்றத்தால் அசாம் காளை சண்டை உட்பட இப்பாரம்பரிய விளையாட்டுக்குத் தடை அனைத்து வடிவங்களிலும் செய்யப்பட்டது. சென்னையின் மெரினா கடற்கரை மற்றும் மதுரை அலங்காநல்லூர் ஜல்லிக்கட்டு மைதானம் உள்ளிட்ட பிற இடங்களில் ஜனவரி 8, 2017 அன்று ஒரு மிகப்பெரிய ஜல்லிக்கட்டு ஆதரவு இயக்கம் வெடித்தது.

ஜனவரி 23ம் தேதி ஆர்ப்பாட்டங்களுக்கு மத்தியில், ஜல்லிக்கட்டு நடத்துவதற்கு அனுமதி வழங்கும் மசோதாவை தமிழ்நாட்டு சட்டப்பேரவை ஜனவரி 21, 2017 அன்று நிறைவேற்றியது. கிட்டத்தட்ட 2000 ஆண்டுகள் பழமையான விளையாட்டை தடை செய்ய உச்ச நீதிமன்றம் மூலம் விலங்குகள் நல அமைப்பான 'பீட்டா' மேற்கொண்ட முயற்சிகள் பலனளிக்கவில்லை

அசாமைப் பொறுத்தவரை, சுமார் 6 - 8 நூற்றாண்டுகள் பழமையான காளை சண்டை உச்ச நீதிமன்றத் தடையை மீறி, இரண்டு மாவட்டங்களில் தொடர்ந்து நடைபெறுகிறது. சங்ககால இலக்கியப் படைப்பான கலித்தொகையில், பெண்ணுக்கு மணமகனை தேர்ந்தெடுக்கும் ஒரு வழிமுறையாக இந்த விளையாட்டைப் பற்றிய குறிப்பு உள்ளது.

காளையை அதன் கொம்பால் அடக்க பயப்படும் ஒரு ஆணை அந்த பெண் இந்தப் பிறவியில் அல்ல அடுத்த பிறவியிலும் திருமணம் செய்ய விரும்ப மாட்டாள். விளையாட்டில் பங்கேற்பது, வெற்றி பெறுவது சம்பந்தப்பட்ட ஆண்களின் துணிச்சலை உறுதிப்படுத்துகிறது என்று அந்தப் பாடல் மேலும் கூறுகிறது.

டெல்லியில் உள்ள தேசிய அருங்காட்சியகத்தில் காட்சிக்கு வைக்கப்பட்டுள்ள சிந்து பள்ளத்தாக்கு நாகரிகத்திலிருந்து பாதுகாக்கப்பட்ட ஒரு முத்திரையில் இருக்கும் ஜல்லிக்கட்டு பற்றிய குறிப்பு அந்த காலத்திலும் இதுபோன்ற வழக்கம் நடைமுறையில் இருந்தது என்பதை உணர்த்துகிறது.