நீதிபதிகளின் காலிப் பணியிடங்கள்; நீதி தாமதம் ஆவதற்குக் காரணமா?

கோவிட்-19 தொற்றுநோய் காலத்திலிருந்து இந்தியாவின் நீதித்துறை, கடுமையான நீதிபதிகளின் பற்றாக்குறையை சமாளித்து வருகிறது, உச்ச நீதிமன்றம் மற்றும் 25 உயர் நீதிமன்றங்களில் மொத்தமுள்ள 1,080 நீதிபதி இடங்களில் 441 இடங்கள் கடந்த ஆண்டு காலியாக இருந்தது. இது மொத்த எண்ணிக்கையில் கிட்டத்தட்ட 40 விழுக்காடாகும்.

சமீபத்தில், நாடாளுமன்றத்தில் தெரிவிக்கப்பட்ட தரவுகளின்படி கோடிக்கணக்கான இந்தியர்கள் பல ஆண்டுகளாக நீதிக்காக காத்திருக்கிறார்கள். 3.8 கோடிக்கு மேற்பட்ட வழக்குகளின்கீழ் நீதிமன்றங்களில் நிலுவையில் உள்ளன. மேலும் நாட்டின் 25 உயர் நீதிமன்றங்களில் 57 லட்சத்துக்கும் மேற்பட்ட வழக்குகள் நிலுவையில் உள்ளன என்று தெரிவிக்கின்றன.

நீதி கிடைப்பதில் தாமதம் ஏற்படுவதற்குப் பல காரணங்கள் உள்ளன. ஆனால், அதிக எண்ணிக்கையில் நீதிபதிகளின் பதவிகள் காலியாக இருப்பது மக்களுக்கு நீதி வழங்குவதில் தாமதம் ஏற்படுவதற்கு மிகப்பெரிய காரணியாக உள்ளது. உயர் நீதிமன்றங்களில் 40% பதவிகள் காலியாக உள்ளன. மேலும் 20%க்கும் மேற்பட்ட பதவிகள் கீழமை நீதிமன்றங்களில் காலியாக உள்ளன.

கோவிட்-19 தொற்றுநோய்க் காலத்திலிருந்து இந்தியாவின் நீதித்துறை, கடுமையான நீதிபதிகளின் பற்றாக்குறையை சமாளித்து வருகிறது, உச்ச நீதிமன்றம் மற்றும் 25 உயர் நீதிமன்றங்களில் மொத்தமுள்ள 1,080 நீதிபதி இடங்களில் 441 இடங்கள் கடந்த ஆண்டு காலியாக இருந்தது. இது மொத்த எண்ணிக்கையில் கிட்டத்தட்ட 40 விழுக்காடாகும்.

மேலும், உச்ச நீதிமன்றம் மற்றும் உயர் நீதிமன்றங்களில் உள்ள 661 நீதிபதி பதவிகளில், 255 அல்லது மொத்தம் நிரப்பப்பட்ட பதவிகளில் கிட்டத்தட்ட 40%, கடந்த மூன்று ஆண்டுகளில் நியமிக்கப்பட்டுள்ளனர். அவர்களில் பெரும்பாலானோர் 2018 மற்றும் 2019ஆம் ஆண்டுகளில் நியமிக்கப்பட்டனர்.

2020ஆம் ஆண்டில் உச்ச நீதிமன்றம் மற்றும் நாட்டின் 10 உயர் நீதிமன்றங்களுக்கு எந்த நீதிபதியும் நியமிக்கப்படவில்லை என்றாலும், கடந்த ஆண்டு 15 உயர் நீதிமன்றங்களில் 66 நீதிபதிகள் நியமிக்கப்பட்டனர். உச்ச நீதிமன்றத்தில் 34 பதவிகளில், 2020ல் நான்கு பதவிகள் மட்டுமே காலியாக இருந்தன. ஆனால் நியமிக்கப்பட்ட 30 நீதிபதிகளில், 2018 மற்றும் 2019ஆம் ஆண்டுகளில் பாதிக்கும் மேற்பட்ட நீதிபதிகள் நியமிக்கப்பட்டனர்.

உயர் நீதிமன்றங்களில் 40% நீதிபதி காலியிடங்கள்:

நாட்டின் 25 உயர் நீதிமன்றங்களில் மட்டும் உள்ள 1,046 நீதிபதி பதவிகள், 135 கோடிக்கும் அதிகமான இந்தியர்களுக்கு சேவை செய்கின்றன. ஆனால், மொத்தம் அனுமதிக்கப்பட்ட எண்ணிக்கையில் 415 (40%) இடங்கள் கடந்த 2020ஆம் ஆண்டு காலியாக இருந்தன. நாட்டில் ஏழு உயர் நீதிமன்றங்கள் ஏறக்குறைய பாதி அல்லது அதற்கும் குறைவான நீதிபதிகளுடன் செயல்பட்டு வருகின்றன என்பது இன்னும் கவலைக்குரியது.

பாட்னா உயர் நீதிமன்றத்தைப் பொறுத்தவரையில், மொத்தம் 53 பதவிகளில், 21 நீதிபதிகள் மட்டுமே கடந்த ஆண்டு பணிபுரிந்தனர். 32 பதவிகள் காலியாக இருந்தன. இது மொத்த எண்ணிக்கையில் 60%க்கும் அதிகமாகும். இதேபோல், கல்கத்தா உயர் நீதிமன்றத்தில், மொத்தம் 72 நீதிபதி பதவிகளில் 40 பதவிகள் காலியாக இருந்தன. இது அனுமதிக்கப்பட்ட எண்ணிக்கையில் 55%க்கும் அதிகமாகும்.

ராஜஸ்தான் உயர் நீதிமன்றத்தில், 50 நீதிபதி பதவிகளில் 27 காலியிடங்களும், ஜோத்பூர் மற்றும் ஜெய்ப்பூரில் உள்ள உயர் நீதிமன்றத்தின் இரண்டு அமர்வுகளும் 23 நீதிபதிகளுடன் மட்டுமே பணியாற்றி வருகின்றன. மத்தியப்பிரதேசத்தில், மொத்தம் 53 பதவிகளில் 26 காலியிடங்கள், ஆந்திர மாநில உயர் நீதிமன்றத்தில், மொத்தம் 37 நீதிபதி பதவிகளில் 18 இடங்கள் கடந்த ஆண்டு காலியாக இருந்தன. இது இரண்டு உயர் நீதிமன்றங்களுக்கான மொத்த எண்ணிக்கையில் பாதி ஆகும்.

புதன்கிழமை(மார்ச்.17) நாடாளுமன்றத்தில் அரசாங்கம் பகிர்ந்து கொண்ட சமீபத்திய தகவல்களின்படி தேசியத் தலைநகரில் உள்ள டெல்லி உயர் நீதிமன்றத்திலும் இதே நிலைமை உள்ளது; மொத்தம் 60 பதவிகளில் 29 இடங்கள் கடந்த ஆண்டு காலியாக இருந்தன.

ஒடிசா உயர் நீதிமன்றத்தில், 27 பதவிகளின் அனுமதிக்கப்பட்ட எண்ணிக்கைக்குப் பதிலாக 15 நீதிபதிகள் மட்டுமே பணியாற்றி வந்தனர், மேலும் 12 பதவிகள் காலியாக இருந்தன, இது மொத்தப் பதவிகளில் 45% ஆகும்.

சிக்கலான நியமன செயல்முறை

இந்தியாவில், உயர் நீதித்துறை, உச்ச நீதிமன்றம் மற்றும் உயர் நீதிமன்றங்களில் நியமனம் என்பது ஒரு சர்ச்சைக்குரிய விஷயமாகும். ஏனெனில் கொலீஜியம் எனப்படும் ஒரு குழுவின் பரிந்துரைகளின்பேரில் நீதிபதிகள் நியமிக்கப்படுகிறார்கள்.

உச்ச நீதிமன்றம் மற்றும் உயர் நீதிமன்றங்களின் நீதிபதிகளின் நியமனங்கள் அரசியலமைப்பின் 124, 217 மற்றும் 224ஆவது பிரிவுகளின் கீழ் செய்யப்படுகின்றன

1993 அக்டோபர் 6ஆம் தேதி வழங்கப்பட்ட இரண்டாவது நீதிபதிகள் வழக்கில் உச்ச நீதிமன்றத் தீர்ப்பைத் தொடர்ந்து 1998ஆம் ஆண்டில் தயாரிக்கப்பட்ட நடைமுறை ஒப்பந்தம் (Memorandum of Procedure) மற்றும் அக்டோபர் 28,1998 மூன்றாம் நீதிபதிகள் வழக்கில், நீதிமன்றத்தின் ஆலோசனையில் குறிப்பிடப்பட்டுள்ள நடைமுறையின்படி இந்திய உச்ச நீதிமன்றம் மற்றும் உயர் நீதிமன்றங்களின் நீதிபதிகள் நியமிக்கப்படுகிறார்கள்.

நடைமுறை ஒப்பந்தப்படி உச்ச நீதிமன்றத்தில் நீதிபதிகளை நியமிப்பதற்கான முன்மொழிவை இந்திய தலைமை நீதிபதி (CJI)யும், உயர் நீதிமன்றங்களைப் பொறுத்தவரை சம்பந்தப்பட்ட உயர் நீதிமன்றத்தின் தலைமை நீதிபதியும் முன்னெடுப்பார்கள். உயர் நீதிமன்றங்களில் உள்ள காலியிடங்களை நிரப்புவதற்கான செயல்முறை நிர்வாகம் மற்றும் நீதித்துறைக்கு இடையிலான ஒரு கூட்டு மற்றும் ஒருங்கிணைந்த செயல்முறையாகும் என்று தெரிவித்த சட்டம் மற்றும் நீதி அமைச்சர் ரவிசங்கர் பிரசாத், இதற்கு மத்தியிலும் மாநிலத்திலும் பல்வேறு அரசியலமைப்பு அதிகாரிகளிடமிருந்து ஆலோசனை மற்றும் ஒப்புதல் தேவை என்று கூறினார்.

தாமதமான நீதி, மறுக்கப்பட்ட நீதி

தேசிய நீதித்துறை தரவுகளின்படி, 25 உயர் நீதிமன்றங்களில் 57 லட்சத்துக்கும் மேற்பட்ட வழக்குகள் நிலுவையில் உள்ளன. அவற்றில் 41 லட்சத்துக்கும் மேற்பட்ட வழக்குகள் சிவில் வழக்குகள், 16 லட்சத்திற்கும் அதிகமானவை, கிரிமினல் வழக்குகள்.

மொத்த நிலுவையில் உள்ள வழக்குகள் 28%. நிலுவையில் உள்ள இந்த வழக்குகளில் பெரும்பாலானவை ஒரு வருடத்திற்கும் மேலானவை. சிவில் வழக்குகளைப் பொறுத்தவரை, அவற்றில் 90%க்கும் அதிகமான வழக்குகளும் குற்ற வழக்குககளில் 85% ஒரு ஆண்டிற்கும் மேலாக நிலுவையில் உள்ளன.

சமீபத்திய தரவைப் பார்த்தால், 58%க்கும் மேற்பட்ட வழக்குகள் 3 வருடங்களுக்கு அதிகமானவை, கிட்டத்தட்ட 20% வழக்குகள் 10 வருடங்களுக்கு மேற்பட்டவை.

10 ஆண்டுகளுக்கும் மேலாக நிலுவையில் உள்ள மொத்தம் 12.5 லட்சம் வழக்குகளில், 1.51 லட்சத்துக்கும் மேற்பட்ட வழக்குகள் 20 ஆண்டுகளுக்கும் மேலாக நிலுவையில் உள்ளன, கிட்டத்தட்ட 92,000 வழக்குகள் 30 ஆண்டுகளுக்கும் மேலாக நிலுவையில் உள்ளன.

இதையும் படிங்க: இன்னும் எத்தனை தலைமுறைகளுக்கு இட ஒதுக்கீடு தொடரும் - உச்ச நீதிமன்றம் கேள்வி