சோனி பிரேவியா X90J ஸ்மார்ட் டிவி: இது மனிதர்களின் எண்ணங்களுக்கு ஏற்றவாறு பிரதிபலிக்கும்!

சோனி நிறுவனம் 2021 சர்வதேச நுகர்வோர் மின்சாதன நிகழ்வில் காக்னிடிவ் பிராசஸர் XRஐ அறிமுகம் செய்தது. தற்போது இந்தப் பிராசஸர் கொண்ட முதல் ஸ்மார்ட் டிவி ரகத்தை அறிமுகம் செய்து இருக்கிறது. புதிய சோனி பிரேவியா X90J 55 அங்குலம், 65 மற்றும் 75 அங்குல அளவுகளில் கிடைக்கிறது.

டெல்லி: சோனி நிறுவனத்தின் புதிய பிரேவியா X90J ஸ்மார்ட் டிவி காக்னிட்டிவ் பிராசஸரை கொண்டிருக்கிறது.

இந்த டிவியில் ஃபுல் அரே பேக்லைட்டிங் மற்றும் லோக்கல் டிம்மிங் உள்ளது. இதில் உள்ள 4K பேனல் எச்டிஆர்10, டால்பி விஷன் மற்றும் HLG உள்ளிட்ட அம்சங்களை வழங்குகிறது. இந்த டிவியில் மொத்தம் நான்கு எச்டிஎம்ஐ போர்ட்கள் உள்ளன.

மேலும், இதில் மினி-ஏவி போக்ட், இரண்டு யுஎஸ்பி போர்ட்கள், ஹெட்போன் அவுட், ஆப்டிக்கல் அவுட், வைபை மற்றும் ப்ளூடூத் போன்ற அம்சங்கள் வழங்கப்பட்டு இருக்கின்றன.

இத்துடன் IMAX மோட் உள்ளது. இதில் உள்ள ஒளி உணரிகள் (Light Sensor) அறையில் உள்ள வெளிச்சத்திற்கு ஏற்ப காட்சி அமைப்புகளை (Picture settings) மாற்றியமைக்கும்.

புதிய சோனி பிரேவியா X90J 55 அங்குல டிவியின் விலை 1,39,990 ரூபாய் ஆகும். இதன் விற்பனை ஜூன் 10ஆம் தேதி முதல் தொடங்கியுள்ளது. 65 மற்றும் 75 அங்குல பதிப்புகளின் விற்பனை விரைவில் தொடங்கும் என்றும் நிறுவனம் தெரிவித்துள்ளது.