பிளாக் ராக் என அழைக்கப்படும் இந்த மால்வேர், பேங்கிங் ட்ரோஜன் ஆகும். பேங்கிங் ட்ரோஜன் என்றாலும் இது பேங்கிங் அல்லாத செயலிகளையும் குறிவைக்கிறது. முதலில் கூகுள் அப்டேட் போன்று இயங்கி தேவையான அனுமதி பெறப்பட்டதும், ஆப் டிராயரில் இருந்து ஐகானை மறையச் செய்து தகவல் சேகரிக்கும் பணிகளைத் தொடங்குகிறது.
நெதர்லாந்தைச் சேர்ந்த திரெட்ஃபேப்ரிக் எனும் சைபர் செக்யூரிட்டி ஆய்வு நிறுவனம் மே மாதத்தில் பிளாக் ராக் மால்வேர் விவரங்களைக் கண்டறிந்தது. இது பயனர் குறியீடு, கடவுச்சொல், கிரெடிட் கார்டு விவரங்களைத் திருடும் திறன் கொண்டிருப்பதாகவும் கண்டறியப்பட்டுள்ளது.