நெட்ஃபிளிக்ஸ் ஒடிடி-இன் காட்சி தரம் பழைய நிலைக்கு மாற்றப்பட்டது!

ஒடிடி தளங்களில் மிகவும் பிரபலமான நெட்ஃபிளிக்ஸ் கரோனா காலங்களின் தனது தளத்தின் படகாட்சிகளின் தரத்தை குறைத்திருந்தது. தற்போது அதனை பழைய எச்.டி தரத்தில் பயனர்கள் திரைப்படங்களை கண்டுகளிக்க முடியும் என அந்நிறுவனம் தெரிவித்துள்ளது.

வாஷிங்டன் டிசி: பழைய காட்சி தரத்திற்கு தனது சேவையை நெட்ஃபிளிக்ஸ் நிறுவனம் மாற்றியுள்ளது.

• கரோனா காலங்களில் வீட்டில் இருந்து பணிபுரிபவர்களின் எண்ணிக்கை அதிகரிக்கும் என்பதாலும், இணைய சேவை வெகுவாக பயன்பட்டு அதில் ஏதேனும் தொய்வு ஏற்படும் என்ற காரணத்தினாலும் ஒடிடி தளங்கள் தங்களின் காட்சி தரத்தைக் குறைத்தது.
• இதில் யூ-டியூப், நெட்ஃபிளிக்ஸ், பிரைம் வீடியோ, ஹாட் ஸ்டார் ஆகியவைப் பொருந்தும்.
• தற்போது ஊரடங்கில் அரசுகள் தளர்வுகள் மேற்கொண்டுள்ளதால், எச்.டி தரத்தில் மீண்டும் சேவையை தர பல தரப்பு பயனர்கள் இடமிருந்தும் கோரிக்கை எழுந்தது.
• இதனை கருத்திற்கொண்டு முதலாவதாக நெட்ஃபிளிக்ஸ் ஒடிடி, தனது தளத்தில் வெளியிடப்படும் காட்சிகளை எச்.டி தரத்தில் கண்டுகளிக்கலாம் என்ற அறிவிப்பை வெளியிட்டுள்ளது.