புதிய தனியுரிமை கொள்கையைத் திரும்பப் பெறுங்கள்: ஃபேஸ்புக்கிற்கு மத்திய அரசு கடிதம்!

ஃபேஸ்புக் நிறுவனத்தின் தகவல் பகிரும் செயலியான வாட்ஸ்அப் தனது புதிய தனியுரிமை கொள்கையை அமல்படுத்தியுள்ளது. இதற்கு பலதரப்பட்ட மக்களிடத்தில் இருந்து எதிர்ப்புகள் கிளம்பியதைத் தொடர்ந்து, மத்திய அரசும் புதிய தனியுரிமை கொள்கையைத் திரும்ப பெற அந்நிறுவனத்திற்கு கடிதம் எழுதியுள்ளது.

டெல்லி: வாட்ஸ்அப் நிறுவனம் அமல்படுத்திய புதிய தனியுரிமை கொள்கையைத் திரும்பப் பெறக் கோரி அந்நிறுவனத்திற்கு மத்திய அரசு கடிதம் எழுதியுள்ளது.

முன்னதாக சேவை மற்றும் தனியுரிமை கொள்கைகளில் செய்யப்பட்ட மாற்றங்களைத் திரும்பப் பெறுமாறு இந்திய மின்னணு மற்றும் தகவல் தொழில் நுட்ப அமைச்சகம் வாட்ஸ்அப்பை வலியுறுத்தியிருந்த நிலையில், மீண்டும் அந்த அமைச்சகம் வாட்ஸ்அப்பிற்கு நோட்டீஸ் அனுப்பியுள்ளது.

அதில், வாட்ஸ்அப்பின் புதிய தனியுரிமை கொள்கை இந்திய அரசியல் சட்டத்தின் பல பிரிவுகளை மீறுகிறது என்றும், தற்போது அனுப்பப்பட்டுள்ள நோட்டீஸுக்குப் பதிலளிக்க வாட்ஸ்அப் நிறுவனத்துக்கு ஏழு நாட்கள் அவகாசம் அளிக்கப்பட்டுள்ளதாகவும் தெரியவந்துள்ளது.

கூடுதல் தகவல்களுக்கு:அமலுக்கு வந்த வாட்ஸ்அப் தனியுரிமை கொள்கை - மாற்றமா? ஏமாற்றமா?