திருவள்ளூர் மாவட்டம் காக்களூர் நியூ மாருதி டவுன் பகுதியைச் சேர்ந்த ஷேக் இப்ராஹிம் (19), நேற்று மாலை சத்தியமூர்த்தி நீர் பூண்டி ஏரியிலிருந்து வரும் கிருஷ்ணா நதிநீர் கால்வாயில் தனது இரண்டு நண்பர்களுடன் குளிக்கச் சென்றுள்ளார். இதுமட்டுமின்றி பொதுப்பணித் துறை, காவல் துறையினரால் அபாய எச்சரிக்கை பலகை வைக்கப்பட்டிருந்த இடம் அருகே மூவரும் குளித்துக் கொண்டிருந்தனர்.
கிருஷ்ணா நதி நீர் கால்வாயில் அடித்துச் செல்லப்பட்ட இளைஞர்
இந்நிலையில், நீச்சல் தெரியாத ஷேக் இப்ராஹிம் திடீரென நீரில் அடித்துச் செல்லப்பட்டுள்ளார். இதைப் பார்த்த அவரது நண்பர்கள், உடனடியாக புல்லரம்பாக்கம் காவல் நிலையத்திற்குத் தகவல் அளித்துள்ளனர்.