கிருஷ்ணகிரி: ராயக்கோட்டை அருகே ரூ.30 லட்சம் மதிப்பில் 200 மூட்டைகளில் பான் மசாலாவை காவல்துறையினர் பறிமுதல் செய்தனர்.
ராயக்கோட்டை அருகே உள்ள கோனேரி அக்ரஹாரம் கிராமத்தில் கேட்பாரற்று கண்டெய்னர் லாரி நிற்பதாக, காவல்துறையினருக்குத் தகவல் கிடைத்தது. இதையடுத்து சம்பவ இடத்துக்குச் சென்ற காவல்துறையினர் கண்டெய்னர் லாரியை திறந்து பார்த்தபோது, 25 கிலோ எடை கொண்ட 200 மூட்டைகளில் தமிழ்நாடு அரசால் தடை செய்யப்பட்ட பான் மசாலா பொருள்கள் இருப்பது தெரியவந்தது.