விருதுநகர்:ஸ்ரீவில்லிபுத்தூர் வடக்கு ரத வீதியில் அம்மா மருந்தகம் செயல்பட்டு வருகிறது. நேற்றிரவு, ஸ்ரீவில்லிபுத்தூர் நகர குற்றப்பிரிவு காவல் துறையினர் வழக்கம்போல அந்த பகுதியில் ரோந்துப் பணியில் ஈடுபட்டிருந்தனர்.
இன்று (அக்.9) அதிகாலையில், சந்தேகத்திற்கிடமான வகையில் சைக்கிளில் மூட்டையுடன் முதியவர் ஒருவர் வந்ததைப் பார்த்து, அவரிடம் விசாரணை நடத்தினர். முதியவரின் முன்னுக்குப்பின் முரணான பதிலால் சந்தேகம் அடைந்த காவலர்கள், தொடர்ந்து விசாரணை செய்ததில், அம்முதியவர், வடக்கு ரத வீதியில் உள்ள அம்மா மருந்தகத்தில் பூட்டை உடைத்து கொள்ளையடித்து விட்டு அங்கிருந்து பணம் மற்றும் மருந்துகளை மூட்டையாகக் கட்டிக் கொண்டு வந்தது தெரிய வந்தது.