ஆறு வயது சிறுமிக்கு பாலியல் தொந்தரவு - முதியவர் கைது.!

நாகை: மயிலாடுதுறையில் ஆறு வயது சிறுமிக்கு பாலியல் தொந்தரவு கொடுத்த முதியவர் போக்சோ சட்டத்தில் கைது செய்யப்பட்டுள்ளார்.

நாகை மாவட்டம் மயிலாடுதுறையில் சேந்தங்குடி, கன்னிக்கோவில் பகுதியை சேர்ந்தவர் முதியவர் உத்திராபதி (59). இவர் மயிலாடுதுறை நகரில், வீட்டு வாசலில் தனியாக விளையாடிக்கொண்டிருந்த ஆறு வயது சிறுமியிடம் பாலியல் தொந்தரவு செய்துள்ளார்.

உடனடியாக அவரிடமிருந்து தப்பியோடிய சிறுமி தனது பெற்றோரிடம் சென்று முதியவர் தன்னிடம் நடந்துகொண்ட விதம் குறித்துக் கூறியுள்ளார். இதனையடுத்து சம்பவம் குறித்து சிறுமியின் பெற்றோர் மயிலாடுதுறை அனைத்து மகளிர் காவல் நிலையத்தில் புகார் அளித்துள்ளனர்.

புகாரின் அடிப்படையில் விசாரணை மேற்கொண்ட காவல் துறையினர் , உத்திராபதியை கைது செய்து அவர் மீது போக்சோ சட்டத்தின் கீழ் வழக்குப்பதிவு செய்து சிறையில் அடைத்தனர்.

இதையும் படிங்க: