ஆவடி, வீட்டு வசதி வாரிய குடியிருப்பைச் சேர்ந்தவர் சரவணக்குமார் (31). சொந்தமாக லாரி வைத்து ஓட்டி வரும் இவர், கடந்த செப்டம்பர் 17 ஆம் தேதி இரவு வழக்கம்போல் தனது வீட்டு முன்பு சாலையில் அதனை நிறுத்தியுள்ளார். மறுநாள் காலை எழுந்து பார்க்கும்போது லாரி மாயமாகியுள்ளது. இது குறித்து சரவணக்குமார் அளித்த புகாரில் பேரில் வழக்குப்பதிவு செய்து விசாரித்து வந்த ஆவடி காவல்துறையினர், தீவிர விசாரணை நடத்தி வந்தனர்.
அங்குள்ள கண்காணிப்பு கேமராவை அவர்கள் ஆய்வு செய்த போது, லாரியை மர்ம நபர் திருடி ஓட்டிச்சென்றது தெரியவந்தது. இதனையடுத்து, தனிப்படை அமைத்து அந்த நபரை காவலர்கள் தீவிரமாக தேடிவந்தனர். இந்நிலையில், இன்று காலையில் ஆவடி-பூந்தமல்லி சாலை, கோவர்த்தனகிரி பகுதியில் தனிப்படை காவலர்கள் வாகன தணிக்கையில் ஈடுபட்டிருந்தபோது, அவ்வழியாக வந்த வேகமாக வந்த லாரியை மடக்கிப் பிடித்தனர்.