சென்னைக்கு வெளிநாட்டு பறவைகளை ஹவுரா தொடர்வண்டியில் சிலர் கடத்திச் செல்வதாக யானை கவுனி காவல்துறையினருக்கு ரகசிய தகவல் கிடைத்தது. தகவலின் பேரில் நிகழ்விடத்திற்கு விரைந்த காவலர்கள் சென்ட்ரல் தொடர்வண்டி நிலைய பார்சல் அலுவலகத்திலிருந்து வெளியே வந்த வாகனங்களில் சோதனை நடத்தினர்.
அப்போது டாட்டா ஏஸ் வாகனம் ஒன்றை சோதித்த போது, அதில் ஆறு கூண்டுகளில் சுமார் மூன்று லட்சம் மதிப்பிலான குரங்குகள், வெளிநாட்டு பறவைகள் இருப்பது தெரியவந்தது. பின்னர் அவற்றை பறிமுதல் செய்த காவல்துறையினர், அந்த வாகனத்தை பின் தொடர்ந்து காரில் வந்த நபரையும் அழைத்துச் சென்று விசாரித்தனர்.