தாம்பரம் பணிமனையிலிருந்து பிராட்வே நோக்கி மாநகரப் பேருந்து ஒன்று சென்று கொண்டிருந்தது. குரோம்பேட்டை ஜி.எஸ்.டி சாலையில் சென்று கொண்டிருக்கும் போது, அளவுக்கு அதிகமான குடிபோதையில் இருந்த நபர், சாலையில் படுத்து உருண்டு பின்னர் ஓடிப்போய் அப்பேருந்தை இரண்டு கைகளாலும் தடுத்தார். உடனே ஓட்டுநர் பேருந்தை நடுரோட்டிலேயே நிறுத்தினார். போதை நபர் பேருந்து ஓட்டுநரிடம் சென்று வாக்குவாதம் செய்தார்.
நிகழ்வறிந்து அங்கு வந்த குரோம்பேட்டை காவல்துறையினர், அந்த நபரை கைது செய்து காவல் நிலையம் அழைத்துச் சென்றனர். விசாரித்ததில் அவர் நாகல்கேணி பகுதியைச் சேர்ந்த போஸ்டர் வெங்கட் என்பது தெரிய வந்தது.
போதை தலைக்கேறி பேருந்தை மறித்த ஆசாமி!