சமூக வலைதளங்கள் பயன்படுத்தும் பெரும்பாலானோருக்கு மிகவும் பரீட்சியமான நபர் இவர். அப்து ரோஸிக் எனும் இவர் தஜகிஸ்தான் நாட்டை சேர்ந்த பதினெட்டு வயதே ஆன ராப் இசைக்கலைஞர் ஆவார். கடந்த 2003ஆம் ஆண்டு பிறந்துள்ளார். சிறு வயதிலேயே ’ரிக்கெட்ஸ்’ எனும் நோயால் பாதிக்கப்பட்டு, போதுமான நிதி ஆதாரங்கள் இல்லாததால் உரிய சிகிச்சை பெறமுடியாமல் தவித்துள்ளார்.
இதுவே இவரது வளர்ச்சி தடைபட காரணமாகவும் மாறியது. இசையில் ஆர்வமுள்ள ரோஸிக்கை தஜகிஸ்தான் நாட்டைச் சேர்ந்த பரோன் (பெஹ்ரூஸ்) என்ற 'தாஜிக் ராப்பர்', அப்து ரோஸிக்கிற்கு நிதியுதவி அளித்தது மட்டுமின்றி, அவரது திறமையை முதன்முதலில் அங்கீகரித்து இசைத் தொழிலைத் தொடர உதவியுள்ளார்.