உலக அளவில் அதிக மக்களால் பயன்படுத்தப்படும் பேஸ்புக் செயலியின் தலைமை இயக்க அதிகாரியான ஷெரில் சாண்ட்பெர்க் பதவி விலகுவதாக அறிவித்துள்ளார். பேஸ்புக்கில் மார்கிற்கு அடுத்த பதவியில் 2008ஆம் ஆண்டு முதல் தொடர்ந்து 14 ஆண்டுகள் பணிபுரிந்துள்ளார். மேலும் பேஸ்புக்கின் முக்கிய பங்குகளில் சிறப்பாக செயல்பட்டு அதனை வளர்சிப் பாதையில் அழைந்து சென்றவர்.
சாண்ட்பெர்க் அவரது பேஸ்புக் பக்கத்தில் பதவி விலகுவதற்கான தனது முடிவைப் பற்றி ஒரு நீண்ட பதிவாக எழுதியுள்ளார். தனது பதிவில், ’ஒரு பார்ட்டியில் மார்க் ஜுக்கர்பெர்க்கை எப்படி சந்தித்தேன் என்பதையும், மேலும் இரவு முழுவதும் அவருடன் பேசினேன். எண்ணற்ற "இரவு உணவுகள் மற்றும் மார்க் உடனான உரையாடல்களுக்கு" பிறகு தான், பேஸ்புக்கில் தனக்கு எப்படி வேலை கிடைத்தது என்பதையும் சாண்ட்பெர்க் விரிவாக எடுத்துரைத்துள்ளார்.