பீரங்கிகள் முழங்க ராஜாவாக பதவியேற்றார் மூன்றாம் சார்லஸ்..!

பிரிட்டனின் ராணி இரண்டாம் எலிசபத் கடந்த வியாழன் இயற்கை எய்த நிலையில், அவரது மகனும் முன்னாள் இளவரசருமான மூன்றாம் சார்லஸ் அரசராக பதவியேற்றார்.

லண்டன்:பிரிட்டனின் ராணி இரண்டாம் எலிசபத் கடந்த வியாழன்(செப்.8) இயற்கை எய்திய நிலையில், அவரது மகனும் பிரிட்டனின் இளவரசருமான மூன்றாம் சார்லஸ் பிரிட்டனின் ராஜாவாக இன்று(செப்.9) பதவியேற்றார். பாரம்பரிய முறைப்படி நடந்த முடிசூடும் விழாவில் துப்பாக்கிச் சத்தங்கள் முழங்க பிரிட்டனின் முன்னாள் இளவரசர் மூன்றாம் சார்லஸ், பிரிட்டனின் ராஜாவாகப் பதவியேற்றார். ,

பிரிட்டனின் முக்கிய நகரங்களில் உள்ள பாரம்பரிய சின்னங்களிலும் பீரங்கிகள் முழங்கின. மேலும், இது குறித்து “நான் எனக்கு அளிக்கப்பட்ட பதவி மற்றும் பொறுப்புகளைப் பற்றி நான் நன்கு அறிவேன். எனது தாயை சிறந்த வழிகாட்டியாக வைத்து நான் அதைப் பின்பற்றுவேன்” என அங்கிருந்த மூத்த அரசியல், மத ஆலோசகர்களிடம் தெரிவித்துக்கொண்டார். மேலும், தனது தாய் இரண்டாம் எலிசபத் இறந்த நாளை பொது விடுமுறையாக தன் பதவியேற்பு விழாவில் அறிவித்தார்.

மறைந்த ராணி இரண்டாம் எலிசபத்தின் இறுதி சடங்கு நடக்கவிருக்கும் தேதி குறித்து எந்த அறிவிப்பும் அளிக்கவில்லை. ஆனால், செப்.19ற்குள் அன்னாரின் இறுதி சடங்கு நடக்குமென எதிர்பார்க்கப்படுகிறது. இந்தப் பதவியேற்பு விழா லண்டனிலுள்ள புனித ஜேம்ஸ் அரண்மனையில் நடைபெற்றது. இதில் மூத்த அரசியல்வாதிகள், பதவியேற்பு கவுன்சில் உறுப்பினர்கள், மற்றும் ஆலோசனையாளர்கள் கலந்துகொண்டனர்.

கடைசியாக 1952ஆம் ஆண்டு இரண்டாம் எலிசபத் பதவியேற்றதற்கு பிறகு இப்போது தான் இப்படி ஒரு பதவியேற்பு விழா நடந்துள்ளது. இந்த விழாவில் ராஜா மூன்றாம் சார்லஸுடன் அவரது மனைவி கமீலா மற்றும் அவரது மகனான இளவரசர் வில்லியம் ஆகியோர் உடனிருந்தனர்.