கரோனாவால் ஈரானில் அதிகரிக்கும் உயிர்பலி

தெஹ்ரான்: கோவிட் 19 வைரஸ் தொற்றின் காரணமாக ஈரானில் ஒரே நாளில் 129 பேர் உயிரிழந்துள்ளனர்.

கோவிட் 19 வைரஸ் தொற்றின் தாக்கம் தற்போது சீனாவில் குறைந்துவந்தாலும், மற்ற நாடுகளில் இந்த வைரஸ் தொற்றால் நாளுக்கு நாள் பலர் உயிரிழந்து வருகிறன்றனர். குறிப்பாக இத்தாலி, அமெரிக்கா, ஈரான் போன்ற நாடுகளில் இந்த வைரஸ் தொற்றின் தாக்கம் அதிகமாகவுள்ளது.

மத்திய கிழக்கு நாடுகளில் மிகவும் பாதிக்கப்பட்ட நாடாக ஈரான் திகழ்கிறது. அந்நாட்டிலுள்ள முக்கிய தலைவர்கள் பலரும் இந்த வைரஸ் தொற்றின் காரணமாக பாதிக்கப்பட்டுள்ளனர். சமீபத்தில், நாட்டின் உட்சபச்ச தலைவரையே பதவி நீக்கும் அதிகாரம் கொண்ட நாடளுமன்ற உறுப்பினர் ஒருவரும் கோவிட் 19 வைரஸ் தொற்றால் உயிரிழந்தார்.

இதுமட்டுமின்றி ஈரான் நாட்டில் அமைச்சர்கள், நாடாளுமன்ற உறுப்பினர்கள், உயர்மட்ட அலுவலர்கள் என பலரும் கோவிட் 19 வைரஸ் தொற்றால் பாதிக்கப்பட்டுள்ளனர்.

இந்நிலையில், கோவிட் 19 வைரஸ் தொற்றால் நேற்று ஒரே நாளில் 129 பேர் உயிரிழந்துள்ளதாக அறிவிக்கப்பட்டுள்ளது. இதன் மூலம் இந்த வைரஸ் தொற்றால், ஈரானில் உயிரிழந்தவர்களின் எண்ணிக்கை 853 ஆக அதிகரித்துள்ளது. மேலும், 14,991 பேர் இந்த வைரஸ் தொற்றால் பாதிக்கப்பட்டுள்ளது உறுதிபடுத்தப்பட்டுள்ளது.

இதையும் படிங்க: ஆஸ்திரேலியாவில் கரோனாவால் 350 பேர் பாதிப்பு!