ஓமன் வளைகுடாவில் தெஹ்ரானுக்கு தென் கிழக்கே சுமார் ஆயிரத்து 270 கிலோமீட்டர் (790 மைல்) தொலைவில் உள்ள ஜாஸ்க் துறைமுகத்திற்கு அருகே ஈரான் ராணுவம் பயிற்சி மேற்கொண்டது. அப்போது, சிறிய ஏவுகணைகள் சரியாக இலக்கினை தாக்குகிறதா என சோதனை செய்யப்பட்டதாகக் கூறப்படுகிறது.
ராணுவப் பயிற்சியின்போது, ஏவுகணை ஒன்று தனது இலக்கை விட்டு விலகி கொனாரக் என்ற ஹெண்டிஜன் ரக கப்பலைத் தாக்கியது. இதில், ஒருவர் உயிரிழந்தார். மேலும் பலர் பலத்த காயம் அடைந்துள்ளனர்.
இந்த விபத்து குறித்து தகவல் அளித்துள்ள அந்நாட்டின் ஊடகம், கொனாரக் பயிற்சி கப்பலானது 2018இல் மாற்றியமைக்கப்பட்டு ஏவுகணைகளை செலுத்தும் நோக்கில் வடிவமைக்கப்பட்டது. டச்சு நிறுவனம் தயாரித்த, 47 மீட்டர் (155 அடி) நீளம் கொண்ட இந்தக் கப்பல் 1988 முதல் சேவையில் இருந்துவந்தது.